Reseidiń Berezki aýylynyń máiitterdi shoshqaǵa jegizgen fermeri 2011 jyly jasalǵan kisi óltirý qylmysy úshin 20 jylǵa bas bostandyǵynan aiyryldy. Bul týraly Bas prokýratýra habarlady, dep jazady dalanews.kz.
2011 jyldyń jeltoqsanynda 63 jastaǵy er adam atqarylǵan jumysqa aqy tóleý máselesine bailanysty jábirlenýshimen janjaldasyp qalǵan. Keiin ol er adamdy denesiniń ár jerinen birneshe ret uryp, ómirine qaýipti aýyr jaraqattar salǵan.
Jábirlenýshi alǵan jaraqattarynan kóz jumǵan. Qylmys izin jasyrý úshin sottalýshy onyń denesin óz úiiniń aýmaǵyna kómip tastaǵan.
Arnaiy tergeý is-sharalarynyń, sonyń ishinde jasyryn agenttiń qatysýymen júrgizilgen jumystyń nátijesinde jábirlenýshiniń súiegi 2026 jyldyń qańtarynda tabylyp, jerden shyǵaryldy.
Prokýrorlar aiyptalýshyǵa ómir boiyna bas bostandyǵynan aiyrý jazasyn suraǵan. Tolyq úkim zerdelengennen keiin ony apelliatsiiaǵa berý máselesi qaralady.
