QR Parlamenti Májilisiniń depýtaty Elnur Beisenbaev Magným dúkender jelisi kýreri men tutynýshynyń arasyndaǵy daýǵa qatysty óz oiyn bildirdi. Depýtat bul máseleni «Eńbek kodeksi» aiasynda sheshý kerektigin alǵa tartty, , – dep habarlaidy Dalanews.kz.
– Birinshiden, manipýliatsiiaǵa jol berýge bolmaidy. Men bul máseleni zerttep, qaradym. Oryn alǵan másele «Eńbek kodeksi» aiasynda retteletin dúnie. Bul – jumys berýshi men jumysshynyń qarym-qatynasy. Odan bir saiasi, qoǵamdyq rezonans týdyryp, qazaq tili qorlanyp jatyr degen áńgime týǵyzýǵa bolamaidy. Bul – jeke bastyń daýy. Eki adamnyń arasyndaǵy daýdy bastan-aiaq jazyp alǵan beinekameralar joq. Qandai áńgime aitylǵanyn biz bilmeimiz.
Sol sebepten, Magným da, qoǵamdaǵy kóp belsendiler de tek manipýliatsiiaǵa aldanyp otyrǵan siiaqty. Ol bizdiń ishimizdegi kásipker, qanshama qyzmet berip jatyr. Qanshama qazaq jastary Magnýmda jumys istep júr. Odan qalsa, eki qazaq balasynyń arasyndaǵy konflikt.
Menińshe, odan bir daý týdyryp, «talai adam jumyssyz qalady» dep shi shyǵarýdyń qajeti joq. Buqaralyq aqparat quraldary, osyndai tekserilmegen, naqty dáleli joq aqparattardan saq bolýy kerek. «Samaýrynnan sý ketti dese, Samarqandty sý aldy» degendei daýǵa mai quiýdyń qajeti joq. Bul másele Parlamentte nemese sizder talqylaityn dúnie emes, – dedi depýtat.
