ق ر پارلامەنتى ءماجىلىسىنىڭ دەپۋتاتى ەلنۇر بەيسەنبايەۆ ماگنۋم دۇكەندەر جەلىسى كۋرەرى مەن تۇتىنۋشىنىڭ اراسىنداعى داۋعا قاتىستى ءوز ويىن ءبىلدىردى. دەپۋتات بۇل ماسەلەنى «ەڭبەك كودەكسى» اياسىندا شەشۋ كەرەكتىگىن العا تارتتى، ، – دەپ حابارلايدى Ertenmedia.kz.
– بىرىنشىدەن، مانيپۋلياسياعا جول بەرۋگە بولمايدى. مەن بۇل ماسەلەنى زەرتتەپ، قارادىم. ورىن العان ماسەلە «ەڭبەك كودەكسى» اياسىندا رەتتەلەتىن دۇنيە. بۇل – جۇمىس بەرۋشى مەن جۇمىسشىنىڭ قارىم-قاتىناسى. ودان ءبىر ساياسي، قوعامدىق رەزونانس تۋدىرىپ، قازاق ءتىلى قورلانىپ جاتىر دەگەن اڭگىمە تۋعىزۋعا بولامايدى. بۇل – جەكە باستىڭ داۋى. ەكى ادامنىڭ اراسىنداعى داۋدى باستان-اياق جازىپ العان بەينەكامەرالار جوق. قانداي اڭگىمە ايتىلعانىن ءبىز بىلمەيمىز.
سول سەبەپتەن، ماگنۋم دا، قوعامداعى كوپ بەلسەندىلەر دە تەك مانيپۋلياسياعا الدانىپ وتىرعان سياقتى. ول ءبىزدىڭ ىشىمىزدەگى كاسىپكەر، قانشاما قىزمەت بەرىپ جاتىر. قانشاما قازاق جاستارى ماگنۋمدا جۇمىس ىستەپ ءجۇر. ودان قالسا، ەكى قازاق بالاسىنىڭ اراسىنداعى كونفليكت.
مەنىڭشە، ودان ءبىر داۋ تۋدىرىپ، «تالاي ادام جۇمىسسىز قالادى» دەپ شي شىعارۋدىڭ قاجەتى جوق. بۇقارالىق اقپارات قۇرالدارى، وسىنداي تەكسەرىلمەگەن، ناقتى دالەلى جوق اقپاراتتاردان ساق بولۋى كەرەك. «ساماۋرىننان سۋ كەتتى دەسە، سامارقاندتى سۋ الدى» دەگەندەي داۋعا ماي قۇيۋدىڭ قاجەتى جوق. بۇل ماسەلە پارلامەنتتە نەمەسە سىزدەر تالقىلايتىن دۇنيە ەمەس، – دەدى دەپۋتات.
