– Ómirimde bolyp jatqan jańalyqtyń biri – jaqynda úsh bólmeli páter aldym. Qazir qonys aýdaryp, úıimdi jaıǵastyryp jatyrmyn. Almatynyń joǵary jaǵynda ornalasqan, ádemi úı. Ertegi jazatyn jazýshy Raıhan Amanıadan satyp aldym. Ol kisiniń úıi sondaı shyǵarmashylyqqa toly. Árbir detal, vana, garderob bári – bári ózinshe erekshe.
Sol úıdi kórdim, odan keıin múldem eshqandaı páter qaraǵan joqpyn. Bul meniń alǵashqy jáne sońǵy qaraǵan páterim. Úıdiń aýrasy quddy ertegige kirgendeı áser qaldyrady, sol sebepti úıdi oılanbastan satyp aldyq. Qazir qonaq kútip jatyrmyn. Qonys toı bar, týǵan kúnimdi de toıladym. Sáken Maıǵazıev jáne Maqpal Isabekovamen kórshimin. Shyny kerek, ol jerde ishim pyspaıdy. Balam tiptin máz. Qudaı qalasa, sol úıde baqytty ǵumyr keshýge daıyndalyp jatyrmyz.
"Qupıa bolmasa úıińizdi qanshaǵa satyp aldyńyz?", – degen suraqqa ol:
– Arzan úı emes. Eń bastysy – maǵan motıvasıa beretindeı shyǵarmashylyqqa toly úı. Tipti saýdalasqan da joqpyz. Eki jaqtyń da kóńilinen shyǵatyndaı baǵa boldy. Jeke shyǵarmashylyqqa keletin bolsaq, ánshi úshin shyǵarmashylyq degenimiz – án. Qazir kóptegen kompozıtorlarǵa tapsyrys berdim.
Shyǵarmashylyǵyma basqa demmen, jańa energıamen daıyndalyp keldim. Aırı degen jas ánshimen dýet oryndaımyn. Buıyrs, tyńdarmandarymdy qýantamyn. Jaqynda meniń jeke saıtym ashylady. Onda barsha tyńdarmandarymmen, jankúıerlerimmen kezdesemin. Suraqtaryna jaýap beremin. Barsha ánderim sol saıtta bolady, – dedi.
