Radıo qyzmetkerleriniń osyndaı batyl málimdemesinen keıin áıgili ánshiniń ónerine tabynýshylar olarǵa qarsy ýáj aıtyp, ózderiniń kelispeıtinderin bildirdi. Degenmen BBC Radio 1 mýzykalyq sarapshylar óz pikirlerinen qaıtpaıtynyn ashyq aıtty. Olar: «Búginde Madonna qartaıǵan, onyń shyǵarmashylyǵy jastar úshin qyzyqty emes. Bizdiń radıony 15-29 jas aralyǵyndaǵy jastar tyńdaıdy. Olar Madonnanyń ánderin tyńdamaıdy. Sondyqtan onyń ánin efırge shyǵarmaýdy jón dep taptyq», – dedi. Óz kezeginde Madonnanyń jankúıerleri BBC Radio 1 radıosy ánshilerdi jasyna qaraı jikteıtin bolsa, 72 jastan asyp ketken Pol Makkartnıdiń ánin nege beretinin aıtyp qaldy. Biraq oǵan radıo qyzmetkerleri mán bergen joq.
Jarytymdy ýáj tappaǵan soń, ánshiniń jankúıerleri Madonna amerıkandyq Interview jýrnalyna jartylaı jalańash sýretke túsip, biraz jasqa kelse de óziniń symbattylyǵyn saqtap, jurttyń nazaryn aýdarǵynyn da aıtty. Osylaısha olar ánshiniń maqtaýyn asyrǵanymen BBC Radio 1 radıosy ıligetin syńaı baıqatpady.
