راديو قىزمەتكەرلەرىنىڭ وسىنداي باتىل مالىمدەمەسىنەن كەيىن ايگىلى ءانشىنىڭ ونەرىنە تابىنۋشىلار ولارعا قارسى ءۋاج ايتىپ، وزدەرىنىڭ كەلىسپەيتىندەرىن ءبىلدىردى. دەگەنمەن BBC Radio 1 مۋزىكالىق ساراپشىلار ءوز پىكىرلەرىنەن قايتپايتىنىن اشىق ايتتى. ولار: «بۇگىندە مادوننا قارتايعان، ونىڭ شىعارماشىلىعى جاستار ءۇشىن قىزىقتى ەمەس. ءبىزدىڭ راديونى 15-29 جاس ارالىعىنداعى جاستار تىڭدايدى. ولار مادوننانىڭ اندەرىن تىڭدامايدى. سوندىقتان ونىڭ ءانىن ەفيرگە شىعارماۋدى ءجون دەپ تاپتىق»، – دەدى. ءوز كەزەگىندە مادوننانىڭ جانكۇيەرلەرى BBC Radio 1 راديوسى انشىلەردى جاسىنا قاراي جىكتەيتىن بولسا، 72 جاستان اسىپ كەتكەن پول ماككارتنيدىڭ ءانىن نەگە بەرەتىنىن ايتىپ قالدى. ءبىراق وعان راديو قىزمەتكەرلەرى ءمان بەرگەن جوق.
جارىتىمدى ءۋاج تاپپاعان سوڭ، ءانشىنىڭ جانكۇيەرلەرى مادوننا امەريكاندىق Interview جۋرنالىنا جارتىلاي جالاڭاش سۋرەتكە ءتۇسىپ، ءبىراز جاسقا كەلسە دە ءوزىنىڭ سىمباتتىلىعىن ساقتاپ، جۇرتتىڭ نازارىن اۋدارعىنىن دا ايتتى. وسىلايشا ولار ءانشىنىڭ ماقتاۋىن اسىرعانىمەن BBC Radio 1 راديوسى يلىگەتىن سىڭاي بايقاتپادى.
