Vedomstva basshysy XXVII-shi Olimpiadada jartylai jeńil salmaqta chempion ataǵyn jeńip alyp, qazaqtyń mereiin asqaqtatqan bylǵary qolǵap sheberi Bekzattai uldy tárbielegen ata-anasyna qurmet bildirip, alǵys hat tabystady.
«Qazaqstan Respýblikasy Mádeniet jáne sport ministrliginiń jáne óz atymnan Sizderge qazaq eliniń birtýar uly, halqynyń maqtanyshy, sport áleminde aty altyn árippen jazylǵan Bekzattai uly tárbielep, ósirgenderińiz úshin óz alǵysymdy bildiremin. Bekzattyń jarqyn beinesi óskeleń urpaq úshin úlken tárbielik mánge ie dep bilemin», - dep atap ótti ministr.
Olimpiada chempiony ákesi Seiilhan Sattarhanov Japoniia astanasy Tokioda 2020 jyly ótetin Olimpiada oiyndarynda bokstan Qazaqstan quramasyna sáttilik tilep, jyly lebiz bildirdi.
Anasy Syrlykúl Sattarhanova bas júldemen oralǵan ulynyń «Bul tek meniń ǵana jeńisim emes. Bul - búkil elimniń jeńisi. Men áli úsh dúrkin Olimpiada chempiony bolamyn», - dep aitqandyǵyn eske aldy.
Sondai-aq, Bekzattyń ata-anasy Túrkistan qalasyndaǵy mektepke jáne Nur-Sultan qalasyndaǵy kóshege Bekzattyń esimin berý jóninde usynys bildirdi.
Óz kezeginde ministr Aqtoty Raiymqulova osy baǵytta tiisti jumystardy pysyqtaýǵa tapsyrma berdi.
Qazirgi ýaqytta B.Sattarhanov atymen qoiylǵan Shymkent qalasynda daryndy balalarǵa arnalǵan sporttyq mektep-internat, Kentaý qalasynda keshendi balalar-jasóspirimder sport-mektebi bar. Túrkistan qalasynda dańǵyldardyń birine Bekzattyń esimi berilgen. 2007 jyldan bastap jyl saiyn bokstan Bekzat Sattarhanov atyndaǵy jastar arasyndaǵy halyqaralyq týrnir ótedi.
Aita keteiik, olimpiada chempiony týraly Murat Bidosov túsirgen «Bekzat» atty kórkem filmniń jabyq kórsetilimi ótken bolatyn. Kinolenta «Habar» Agenttiginiń tapsyrysy boiynsha túsirildi. Filmde sportshynyń ómiri, karerasynyń bastalǵan kezi baiandalǵan.
Dalanews deregi:
Qazaqstandyq boksshy Bekzat Sattarhanov 2000 jyly Sidnei qalasynda ótken 57 keli salmaqta bokstan jazǵy Olimpiada oiyndarynyń jeńimpazy. Bokspen 15 jasynan shuǵyldana bastady, soǵan qaramastan 20 jasynda Olimpiada jeńimpazy atandy.
1998 jyly Jastar arasynda Aziia birinshiliginiń kúmis júldegeri, 1998 jyly Jastar arasynda Álem chempionatynyń kúmis júldegeri, 1999 jyly Aziia birinshiliginiń kúmis júldegeri, 1999 jyly Orta-Aziialyq memleketteriniń jeńimpazy.
2000 jyly 31 jeltoqsanda Jańa jyl qarsańynda Ordabasy aýdanynda jol apatynan qaitys boldy.
