Merekelik is-sharalar elimizdegi barlyq mýzeiler qatysatyn «Mýzeiler túni» halyqaralyq aktsiiasynan bastalady.
Búgin QR Ulttyq mýzeiinde saǵat 18:00-den tún ortasyna deiin kontserttik jáne oiyn-saýyq baǵdarlamalary, taqyryptyq kórmeler, teatrlandyrylǵan ekskýrsiialar jáne t.b. tanymdyq is-sharalar ótedi.
19 mamyrda, saǵat 11:00-de QR Ulttyq Akademiialyq kitaphanasynda «Mádeniet: Kitap. Bilim. Til» atty open air festivali ótedi. Festivalge elimizdiń barlyq óńirinen kelgen 200-den astam kitaphanashy qatysady. Baǵdarlamada kitaphanalar men baspalardyń qatysýymen jármeńke-kórme, antikvariat ekspozitsiiasy jáne jańa kitaptardyń tusaýkeserleri, sheberlik sabaqtary bar. Jazýshylardyń, redaktorlardyń, jýrnalisterdiń jáne kinorejisserlerdiń qatysýymen «Kitap oqý – jetistik tramplini» arnaiy joba uiymdastyrylady.
Sol kúni saǵat 19:00-de QAZAQSTAN ortalyq kontsert zalynda elimizdiń barlyq óńirinen jinalǵan úzdik oryndaýshylar men shyǵarmashylyq ujymdardyń qatysýymen gala-kontsert ótedi. Sahnada klassikalyq, estradalyq jáne halyq shyǵarmalary oryndalady.
Kontsert aldynda Roza Baǵlanova atyndaǵy «Qazaqkontsert» shyǵarmashylyq birlestigi uiymdastyrǵan sheberlik sabaqtary ótedi.
20 mamyrda Q.Qýanyshbaev atyndaǵy memlekettik akademiialyq mýzykalyq drama teatrda «Mádeniet. Tynysy teatry» atty sheberlik sabaǵy ótedi. Joba aiasynda teatr jáne kino óneriniń kórnekti qairatkerleri akterlik sheberlik, rejissýra, horeografiia, makiiaj, hor taqyryptary boiynsha tájiribelerimen bólisedi.
Saǵat 15:00-de «Astana Opera» teatrynda mádeniet jáne óner qyzmetkerleriniń kúnine arnalǵan merekelik kesh bastalady. Aýqymdy kontsertte bir mezgilde elordanyń qurama simfoniialyq orkestri men elimizdiń óńirlerinen kelgen hor ujymdaryn qosa alǵanda, myń mýzykant óner kórsetedi. Ataqty mýzykant, dirijer jáne kompozitor Marat Bisenǵalievtiń avtorlyǵymen «Uly dala áýeni» atty saltanatty oda oryndalady. Is-sharada elimizdiń kórnekti mádeniet qairatkerleri de bolady.
Mádeniet jáne óner qyzmetkerleriniń kúnine orai sala úzdikteri marapattalady. Jalpy alǵanda merekelik baǵdarlama óte aýqymdy. Alaida, iri jobalardan bólek, kishigirim is-sharalar da bolady. Búkil el boiynsha dóńgelek ústelder, kezdesýler, kontsertter men sheberlik sabaqtary ótip jatyr. Biz bárin joǵary deńgeide ótkizip, osy arqyly otandyq jáne álemdik mádeniettiń damýyna úles qosatyn qazaqstandyqtardyń qajyrly eńbegin atap ótýge bolatynyna senimdimin.
