مەرەكەلٸك ٸس-شارالار ەلٸمٸزدەگٸ بارلىق مۋزەيلەر قاتىساتىن «مۋزەيلەر تٷنٸ» حالىقارالىق اكتسيياسىنان باستالادى.
بٷگٸن قر ۇلتتىق مۋزەيٸندە ساعات 18:00-دەن تٷن ورتاسىنا دەيٸن كونتسەرتتٸك جەنە ويىن-ساۋىق باعدارلامالارى, تاقىرىپتىق كٶرمەلەر, تەاترلاندىرىلعان ەكسكۋرسييالار جەنە ت.ب. تانىمدىق ٸس-شارالار ٶتەدٸ.
19 مامىردا, ساعات 11:00-دە قر ۇلتتىق اكادەمييالىق كٸتاپحاناسىندا «مەدەنيەت: كٸتاپ. بٸلٸم. تٸل» اتتى open air فەستيۆالٸ ٶتەدٸ. فەستيۆالگە ەلٸمٸزدٸڭ بارلىق ٶڭٸرٸنەن كەلگەن 200-دەن استام كٸتاپحاناشى قاتىسادى. باعدارلامادا كٸتاپحانالار مەن باسپالاردىڭ قاتىسۋىمەن جەرمەڭكە-كٶرمە, انتيكۆاريات ەكسپوزيتسيياسى جەنە جاڭا كٸتاپتاردىڭ تۇساۋكەسەرلەرٸ, شەبەرلٸك ساباقتارى بار. جازۋشىلاردىڭ, رەداكتورلاردىڭ, جۋرناليستەردٸڭ جەنە كينورەجيسسەرلەردٸڭ قاتىسۋىمەن «كٸتاپ وقۋ – جەتٸستٸك ترامپلينٸ» ارنايى جوبا ۇيىمداستىرىلادى.
سول كٷنٸ ساعات 19:00-دە QAZAQSTAN ورتالىق كونتسەرت زالىندا ەلٸمٸزدٸڭ بارلىق ٶڭٸرٸنەن جينالعان ٷزدٸك ورىنداۋشىلار مەن شىعارماشىلىق ۇجىمداردىڭ قاتىسۋىمەن گالا-كونتسەرت ٶتەدٸ. ساحنادا كلاسسيكالىق, ەسترادالىق جەنە حالىق شىعارمالارى ورىندالادى.
كونتسەرت الدىندا روزا باعلانوۆا اتىنداعى «قازاقكونتسەرت» شىعارماشىلىق بٸرلەستٸگٸ ۇيىمداستىرعان شەبەرلٸك ساباقتارى ٶتەدٸ.
20 مامىردا ق.قۋانىشباەۆ اتىنداعى مەملەكەتتٸك اكادەمييالىق مۋزىكالىق دراما تەاتردا «مەدەنيەت. تىنىسى تەاترى» اتتى شەبەرلٸك ساباعى ٶتەدٸ. جوبا اياسىندا تەاتر جەنە كينو ٶنەرٸنٸڭ كٶرنەكتٸ قايراتكەرلەرٸ اكتەرلٸك شەبەرلٸك, رەجيسسۋرا, حورەوگرافييا, ماكيياج, حور تاقىرىپتارى بويىنشا تەجٸريبەلەرٸمەن بٶلٸسەدٸ.
ساعات 15:00-دە «استانا وپەرا» تەاترىندا مەدەنيەت جەنە ٶنەر قىزمەتكەرلەرٸنٸڭ كٷنٸنە ارنالعان مەرەكەلٸك كەش باستالادى. اۋقىمدى كونتسەرتتە بٸر مەزگٸلدە ەلوردانىڭ قۇراما سيمفونييالىق وركەسترٸ مەن ەلٸمٸزدٸڭ ٶڭٸرلەرٸنەن كەلگەن حور ۇجىمدارىن قوسا العاندا, مىڭ مۋزىكانت ٶنەر كٶرسەتەدٸ. اتاقتى مۋزىكانت, ديريجەر جەنە كومپوزيتور مارات بيسەنعاليەۆتٸڭ اۆتورلىعىمەن «ۇلى دالا ەۋەنٸ» اتتى سالتاناتتى ودا ورىندالادى. ٸس-شارادا ەلٸمٸزدٸڭ كٶرنەكتٸ مەدەنيەت قايراتكەرلەرٸ دە بولادى.
مەدەنيەت جەنە ٶنەر قىزمەتكەرلەرٸنٸڭ كٷنٸنە وراي سالا ٷزدٸكتەرٸ ماراپاتتالادى. جالپى العاندا مەرەكەلٸك باعدارلاما ٶتە اۋقىمدى. الايدا, ٸرٸ جوبالاردان بٶلەك, كٸشٸگٸرٸم ٸس-شارالار دا بولادى. بٷكٸل ەل بويىنشا دٶڭگەلەك ٷستەلدەر, كەزدەسۋلەر, كونتسەرتتەر مەن شەبەرلٸك ساباقتارى ٶتٸپ جاتىر. بٸز بەرٸن جوعارى دەڭگەيدە ٶتكٸزٸپ, وسى ارقىلى وتاندىق جەنە ەلەمدٸك مەدەنيەتتٸڭ دامۋىنا ٷلەس قوساتىن قازاقستاندىقتاردىڭ قاجىرلى ەڭبەگٸن اتاپ ٶتۋگە بولاتىنىنا سەنٸمدٸمٸن.
