– Qazaqstan BUU Qaýipsizdik keńesiniń turaqty emes músheligine qabyldandy. Bul – tarıhı jeńis, elimizdiń oǵan múshelikke saılanýy Elbasymyzdyń halyqaralyq arenadaǵy bedeli men eńbeginiń pasıonarlyq tulǵa retinde moıyndalýy degen sóz. Qazirgi ýaqytta «Astana prosesi» degen aıdarmen Sırıadaǵy jaǵdaıǵa baılanysty nátıjeli kelissózder júrip jatyr. Al, Nursultan Ábishulynyń antıadrolyq kúresi adamzatty atom qarýynan qutqarýǵa aparady. Elbasynyń bul ıgi qyzmeti Nobel syılyǵyna tolyǵymen laıyq, – dedi Murat Jurynov.
Aıta keteıik, búgin, 22 aqpan kúni Abaı atyndaǵy Qazaq memlekettik akademıalyq opera jáne balet teatry ǵımaratynda QR Prezıdenti, QR UǴA akademıgi Nursultan Nazarbaevtyń qatysýymen QR UǴA-nyń 70 jyldyq mereıtoıyna arnalǵan Jalpy jınalystyń salatanatty sesıasy ótip jatyr. Sesıa jumysyna akademıkter, korespondent-músheleri, QR UǴA-nyń qurmetti músheleri, joǵary oqý oryndarynyń rektorlary, ǵylymı-zertteý ınstıtýttarynyń dırektorlary, eldiń kórnekti qoǵam jáne mádenıet qaıratkerleri, sheteldik qonaqtar, ǵylym akademıalary prezıdentteri Reseı Federasıasynan Fortov V.E., Qyrǵyzstannan Erkebaev A.E., Grýzıadan Kvesıtadze G.I., Moldovadan Dýka G.G., Tatarstannan Salahov M.H., Belarýs UǴA Prezıdıýmy Tóraǵasynyń orynbasary Kılın S.Ia., Ýkraına UǴA Vıse-prezıdenti Koshechko V.G., Ózbekstan ǴA jalpy jáne beıorganıkalyq hımıa Instıtýtynyń dırektory Zakırov B.S., Ázerbaıjan UǴA Tóralqa ákimshiliginiń Ǵylym jáne bilim berý basqarmasynyń bastyǵy Sadygov A., Tájikstan Respýblıkasy ǴA akademıgi M.Ilolov «Elsevier» basqarma tóraǵasy jáne strategıalyq damý jetekshisi, «Relax group» dırektorlar keńesiniń múshesi Iong Sýk Chı, QHR-nyń Almaty qalasy Bas konsýly Chjan Veı syndy kóptegen delegsıalar qatysýda.
