– قازاقستان بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە قابىلداندى. بۇل – تاريحي جەڭىس، ەلىمىزدىڭ وعان مۇشەلىككە سايلانۋى ەلباسىمىزدىڭ حالىقارالىق ارەناداعى بەدەلى مەن ەڭبەگىنىڭ پاسسيونارلىق تۇلعا رەتىندە مويىندالۋى دەگەن ءسوز. قازىرگى ۋاقىتتا «استانا پروسەسى» دەگەن ايدارمەن سيرياداعى جاعدايعا بايلانىستى ناتيجەلى كەلىسسوزدەر ءجۇرىپ جاتىر. ال، نۇرسۇلتان ءابىش ۇلىنىڭ انتيادرولىق كۇرەسى ادامزاتتى اتوم قارۋىنان قۇتقارۋعا اپارادى. ەلباسىنىڭ بۇل يگى قىزمەتى نوبەل سىيلىعىنا تولىعىمەن لايىق، – دەدى مۇرات جۇرىنوۆ.
ايتا كەتەيىك، بۇگىن، 22 اقپان كۇنى اباي اتىنداعى قازاق مەملەكەتتىك اكادەميالىق وپەرا جانە بالەت تەاترى عيماراتىندا ق ر پرەزيدەنتى، ق ر ۇعا اكادەميگى نۇرسۇلتان نازاربايەۆتىڭ قاتىسۋىمەن ق ر ۇعا-نىڭ 70 جىلدىق مەرەيتويىنا ارنالعان جالپى جينالىستىڭ سالاتاناتتى سەسسياسى ءوتىپ جاتىر. سەسسيا جۇمىسىنا اكادەميكتەر، كوررەسپوندەنت-مۇشەلەرى، ق ر ۇعا-نىڭ قۇرمەتتى مۇشەلەرى، جوعارى وقۋ ورىندارىنىڭ رەكتورلارى، عىلىمي-زەرتتەۋ ينستيتۋتتارىنىڭ ديرەكتورلارى، ەلدىڭ كورنەكتى قوعام جانە مادەنيەت قايراتكەرلەرى، شەتەلدىك قوناقتار، عىلىم اكادەميالارى پرەزيدەنتتەرى رەسەي فەدەراسياسىنان فورتوۆ ۆ.ە.، قىرعىزستاننان ەركەبايەۆ ا.ە.، گرۋزيادان كۆەسيتادزە گ.ي.، مولدوۆادان دۋكا گ.گ.، تاتارستاننان سالاحوۆ م.ح.، بەلارۋس ۇعا پرەزيديۋمى ءتوراعاسىنىڭ ورىنباسارى كيلين س.يا.، ۋكراينا ۇعا ۆيسە-پرەزيدەنتى كوشەچكو ۆ.گ.، وزبەكستان عا جالپى جانە بەيورگانيكالىق حيميا ينستيتۋتىنىڭ ديرەكتورى زاكيروۆ ب.س.، ازەربايجان ۇعا ءتورالقا اكىمشىلىگىنىڭ عىلىم جانە ءبىلىم بەرۋ باسقارماسىنىڭ باستىعى سادىگوۆ ا.، تاجىكستان رەسپۋبليكاسى عا اكادەميگى م.يلولوۆ «Elsevier» باسقارما ءتوراعاسى جانە ستراتەگيالىق دامۋ جەتەكشىسى، «Relax group» ديرەكتورلار كەڭەسىنىڭ مۇشەسى يونگ سۋك چي، قحر-نىڭ الماتى قالاسى باس كونسۋلى چجان ۆەي سىندى كوپتەگەن دەلەگسيالار قاتىسۋدا.
