Reseilik "Lýkoil" kompaniiasy Almaty men Óskemendi bailanystyratyn tas jolynyń boiynda tolyq qyzmet kórsetetin ekinshi janarmai quiý stantsiiasyn iske qosty, dep habarlaidy Dalanews.kz.
Kompaniia ókilderiniń málimetinshe, bul beket te sáýir aiynda ashylǵan alǵashqy "Lýkoil" janarmai stantsiiasy siiaqty franchaizingtik úlgide jumys isteidi. Stantsiiada "Lýkoil" kompaniiasynyń firmalyq ECTO otyny, onyń ishinde premiým ECTO 100 benzini paidalanylatyn bolady. Júk kólikteri men jeńil avtokólikterge arnalǵan bólek janarmai quiý jelileri bar, 22 janarmai kolonkasy qyzmet kórsetedi.
"Kompaniia Qazaqstandaǵy janarmai quiý stantsiialarynyń jelisin damytýdy jalǵastyrady", — dep málimdedi "Lýkoil" ókilderi.
"Lýkoil" 1995 jyldan beri Qazaqstanda jumys istep keledi. Kompaniia munai óndirý jáne tasymaldaý, mailaý materialdaryn óndirý, sondai-aq jasyl energetika salasyndaǵy jobalardy júzege asyrady. Qazaqstandaǵy mańyzdy jobalarǵa Teńiz munai jobasyndaǵy 5% úlesi, Qarashyǵanaqtaǵy 13,5% úlesi jáne Kaspii qubyr konsortsiýmyndaǵy qatysýy jatady.
2023 jyldyń sońyndaǵy jaǵdai boiynsha, "Lýkoildyń" 19 elde 5258 jeke menshik, jalǵa alynǵan, franchaizingtik jáne ýaqytsha jabylǵan janarmai quiý stantsiialary bolǵan.
"Reseilik iri munai alpaýyttarynyń Qazaqstandaǵy osyndai bastamalary elimizdiń energetikalyq jáne ekonomikalyq táýelsizdigine qalai áser etedi? Bul stantsiialardyń franchaizingtik modelde jumys isteýi tek syrttai qaraǵanda qazaqstandyq kásipkerlerge múmkindik beretindei kóringenimen, shyn máninde eldiń munai-gaz salasyndaǵy sheteldik yqpalyn kúsheitýi yqtimal.
Qazaqstannyń jasyl energetikaǵa bet burý bastamasy men Reseidiń energetikalyq múddeleriniń toǵysýy da óz aldyna bir suraq týǵyzady", - deidi osy oraida sarapshylar.
