Belarýs prezidenti Aleksandr Lýkashenkonyń "Rossiia" telearnasyna bergen suhbatynan keiin Belarýs Respýblikasynyń Elshisi Pavel Ýtiýpin men Premer-Ministriniń orynbasary – Syrtqy ister ministri Murat Nurtileý kezdesti, - dep habarlaidy Dalanews.kz.
Aita keteiik, buǵan deiin Belarýs prezidenti Aleksandr Lýkashenko «Rossiia» telearnasyna bergen suhbatynda birneshe postkeńestik respýblikalardyń syrtqy saiasatyn synap, Qazaqstandy erekshe ataǵan bolatyn.
"Qazaqstanda bir nárse bolǵan kezde" Astana Qytaiǵa, Úndistanǵa nemese Pákistanǵa emes, Máskeý men Minskke bet burǵanyn eske aldy", – dep atap ótti.
Qazaqstannyń Syrtqy ister ministrligi bul sózderge jaýap retinde Belarýs Elshisi Ýtiýpindi shaqyrtyp, Astana BUU Jarǵysyna sáikes teńgerimdi jáne beibit syrtqy saiasat júrgizip jatqanyn aitty.
Nurtileý men Ýtiýpin kezdesý barysynda Qazaqstan-Belarýs ekijaqty deńgeidegi, sondai-aq kópjaqty uiymdar sheńberindegi yntymaqtastyqtyń ózekti máseleleri talqylaǵan.
Atap aitqanda, Ministr Qazaqstan BUU Jarǵysyna jáne halyqaralyq quqyqtyń negizin qalaýshy normalaryna sáikes teńgerimdi jáne beibitshil syrtqy saiasat júrgizip jatqanyn erekshe atap ótti. Elimiz memleketter arasyndaǵy barlyq kelispeýshilikter saiasi jáne diplomatiialyq joldarmen sheshilýi tiis ekenine nyq senimdi.
"Qazirgi geosaiasi jaǵdaida Memleket basshysy júrgizip jatqan elimizdiń syrtqy saiasi baǵyty óziniń tiimdiligin kórsetti. Osyǵan bailanysty Ministr Belarýs tarapyn qazirgi protsesterge qatysty Astananyń ustanymyn obektivti baǵalaýǵa shaqyrdy", - delingen SIM habarlamasynda.
