Olar – prezidenttikke úmitker bolǵan Viktor Babariko kampaniiasynyń senimdi ókili Iýrii Voskresenskii men PandaDoc kompaniiasynyń Minsk keńsesiniń direktory Dmitrii Rabtsevich. Olardy úiqamaqqa aýystyrǵan.
Olardyń bosap shyqqanyn týystary rastady.
Lýkashenko senbi kúni tergeý abaqtysyna baryp, qamaýda jatqan birneshe oppozitsiialyq saiasatkerlermen kezdesken. Onda ne aitylǵany naqty belgisiz.
Biraq sońǵy kezde Lýkashenko jii kóterip júrgen Konstitýtsiiaǵa ózgerister jaily aitylýy múmkin. Kezdesýge 12 adam qatysqan. Arasynda prezidenttikten úmitker bolǵan oppozitsiia lideri Viktor Babariko da bolǵan. Ol sailaýǵa deiin qamaýǵa alynǵan.
Ótken jeksenbide Minskide Lýkashenkonyń basqarýyna qarsy kezekti narazylyq aktsiiasy ótti. Bul joly militsiia men OMON ókilderi demonstranttarǵa qarsy qatal áreket etken. Jaralanǵandar bar delinedi. Keminde 200 adam ustalǵan.
