«Lýgovaia» stansasynyń ataýy qazaqylandy: 30 qazan 2020

«Lýgovaia» stansasynyń ataýy qazaqylandy

Dalanews 30 qazan, 2020

Lýgovaia stansasy endi Túrksib dep ataldy. Mundai sheshim Túrkistan-Sibir temirjol magistraliniń 90 jyldyǵyn merekeleýge bailanysty qabyldandy.

Bul bastama el tarihy úshin mańyzdy jobaǵa qatysqan qurylysshylar men temirjolshylardyń eńbegin máńgi este saqtaýǵa baǵyttalǵan.

2020 jylǵy 23 qazanda QR Úkimetiniń «Temirjol vokzaly keshenin jáne keibir temirjol stantsiialaryn qaita ataý jáne keibir temirjol stantsiialary ataýlarynyń transkriptsiiasyn ózgertý týraly» tiisti Qaýlysy qabyldandy.

Esterińizge sala keteiik, Túrksib 1930 jyly 31 jeltoqsanda paidalanýǵa berilgen bolatyn. 1927 jyly 21 qarashada Lýgovaia stantsiiasy osy temirjoldyń alǵashqy relsterin saldy.

Osy jerde Halyq Komissarlary Keńesi tóraǵasynyń orynbasary Turar Rysqulovtyń qatysýymen qurylys alańynyń resmi ashylýy ótti.

Ańyzǵa ainalǵan magistral sol kezde ekonomikanyń damýynda mańyzdy ról atqardy, ol úlken aýmaqtyń tabiǵi resýrstaryn igerýge, ónerkásiptik jáne aýylsharýashylyq áleýetin iske asyrýǵa múmkindik berdi. Túrksibti jańa ómir joly dep atady. Magistral boiynda qalalar men jumysshy poselkeler paida boldy.

Qazir Túrksib tek Qazaqstannyń ǵana emes, sondai-aq Orta Aziianyń barlyq elderiniń ekonomikasyn bailanystyryp, Qytaidan bastap Resei, Orta Aziia, Taiaý Shyǵys elderi arqyly jáne Eýropaǵa deiingi Jibek Jolynyń mańyzdy tarmaǵyna ainalyp otyr.

«Lýgovaia» stansasynyń ataýy qazaqylandy

Oqi otyryńyz

Qazaqstan alǵash ret jahandyq innovatsiialyq kartaǵa engizildi

Dariǵa Nazarbaevaǵa qatysty el arasynda júrgen áńgimeniń "shyndyǵy" ashyldy

«Qazaqmys» Jezqazǵan óndiristik alańyn jańǵyrtýǵa júzdegen million dollar investitsiia salýda