بۇل باستاما ەل تاريحى ءۇشىن ماڭىزدى جوباعا قاتىسقان قۇرىلىسشىلار مەن تەمىرجولشىلاردىڭ ەڭبەگىن ماڭگى ەستە ساقتاۋعا باعىتتالعان.
2020 جىلعى 23 قازاندا ق ر ۇكىمەتىنىڭ «تەمىرجول ۆوكزالى كەشەنىن جانە كەيبىر تەمىرجول ستانسيالارىن قايتا اتاۋ جانە كەيبىر تەمىرجول ستانسيالارى اتاۋلارىنىڭ ترانسكريپسياسىن وزگەرتۋ تۋرالى» ءتيىستى قاۋلىسى قابىلداندى.
ەستەرىڭىزگە سالا كەتەيىك، تۇركسىب 1930 جىلى 31 جەلتوقساندا پايدالانۋعا بەرىلگەن بولاتىن. 1927 جىلى 21 قاراشادا لۋگوۆايا ستانسياسى وسى تەمىرجولدىڭ العاشقى رەلستەرىن سالدى.
وسى جەردە حالىق كوميسسارلارى كەڭەسى ءتوراعاسىنىڭ ورىنباسارى تۇرار رىسقۇلوۆتىڭ قاتىسۋىمەن قۇرىلىس الاڭىنىڭ رەسمي اشىلۋى ءوتتى.
اڭىزعا اينالعان ماگيسترال سول كەزدە ەكونوميكانىڭ دامۋىندا ماڭىزدى ءرول اتقاردى، ول ۇلكەن اۋماقتىڭ تابيعي رەسۋرستارىن يگەرۋگە، ونەركاسىپتىك جانە اۋىلشارۋاشىلىق الەۋەتىن ىسكە اسىرۋعا مۇمكىندىك بەردى. تۇركسىبتى جاڭا ءومىر جولى دەپ اتادى. ماگيسترال بويىندا قالالار مەن جۇمىسشى پوسەلكەلەر پايدا بولدى.
ءقازىر تۇركسىب تەك قازاقستاننىڭ عانا ەمەس، سونداي-اق ورتا ازيانىڭ بارلىق ەلدەرىنىڭ ەكونوميكاسىن بايلانىستىرىپ، قىتايدان باستاپ رەسەي، ورتا ازيا، تاياۋ شىعىس ەلدەرى ارقىلى جانە ەۋروپاعا دەيىنگى جىبەك جولىنىڭ ماڭىزدى تارماعىنا اينالىپ وتىر.
