Ashtyqty 8 jylǵa bas bostandyǵynan aiyrylǵan Ulyqbek Achilov jeksenbi kúni bastap ketken. Achilov koloniia basshysy men Bas prokýratýraǵa jáne sotqa joldaǵan habarlamasynda apelliatsiia shaǵymyn qaraý barysyn onlain-transliatsiia arqyly kórsetýdi talap etken.
Sottalýshy sotqa tikelei qatysyp, óz oiyn aitý múmkindigin surapty. Ulyqbek Achilov kezinde Astana LRT-nyń qosalqy merdigeri «NýrTreid» seriktestiginiń direktory bolǵan.
Segiz jylǵa bas bostandyǵynan aiyrylǵan merdigerdiń ókili Timýr Qasabaev, jeti jylǵa túrmege toǵytylǵan Astana Innoveishenstiń burynǵy basqarma tóraǵasy Talǵat Áshim te ashtyq jariialap jatyr.
Al eks-depýtat ári Nur-Sultan qalalyq máslihatynyń burynǵy hatshysy, segiz jylǵa sottalǵan Janat Nurpeiisov ashtyqtan densaýlyǵyna bailanysty bas tartypty.
Buǵan deiin apelliatsiialyq shaǵymdy qaraý kezinde Talǵat Áshimniń advokaty klientiniń júrek talmasy ustaǵanyn habarlaǵan. Ashtyq jariialaǵandardyń barlyǵy dárigerlerdiń baqylaýynda.
– Mekeme ákimshiligine, onyń ishinde is materialdarymen tanysýǵa qatysty esh narazylyq joq. «Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde, arnaýly úi-jailarda ustaýdyń tártibi men sharttary týraly» QR Zańynyń 41-babynyń talaptaryna sáikes, mekeme basshylyǵy sebebin anyqtaý, sondai-aq qylmystyq isti júrgizip jatqan organdy, Nur-Sultan qalasynyń prokýratýrasyn habardar etý jónindegi sharalardy qabyldady, – deidi Nur-Sultan qalasy qylmystyq atqarý júiesi departamentiniń baspasóz qyzmetimen bailanys jónindegi mamany Aqtoty Bekenova
Gúlbaǵda Qairatqyzy
