Qazaqstan Túrkıadan Talǵat Ardandy ekstradısıalaýdy surady, – dep habarlaıdy Dalanews.kz.

Tengrinews.kz málimetinshe, Bas prokýratýra Túrkıada ustalǵan "Astana LRT" burynǵy basshysy Talǵat Ardandy ekstradısıalaý máselesine qatysty pikir bildirgen.

Tengrinews.kz saýalyna jaýap bergen vedomstvo buǵan deıin Talǵat Ardannyń Qazaqstannyń Sybaılas jemqorlyqqa qarsy qyzmeti tarapynan Qylmystyq kodekstiń "Senip tapsyrylǵan bóten múlikti ıelenip alý nemese ysyrap etý" jáne "Qyzmettik ókilettikterdi teris paıdalaný" baptarynda kózdelgen qylmystardy jasaǵany úshin izdeýde bolǵanyn naqtylady. Oǵan qatysty qamaýda ustaý bultartpaý sharasy tańdalǵan. Talǵat Ardan buǵan deıin halyqaralyq izdeýde boldy.

10 mamyrda Talǵat Ardan Túrkıa Respýblıkasy aýmaǵynda ustalyp, Antalıada qamalǵany týraly aqparat alynǵan.

"Qazir Qazaqstan Respýblıkasynyń Bas prokýratýrasy arqyly T.N. Ardandy ekstradısıalaý úshin barlyq qajet qujat Túrkıa Respýblıkasynyń ýákiletti organdaryna joldandy. Ony ekstradısıalaý máselesi Túrkıa tarapynyń qaraýynda", – dep jazylǵan Qazaqstan Bas prokýratýrasynyń Tengrinews.kz saýalyna bergen jaýabynda.

Buǵan deıin Bas prokýrordyń orynbasary Áset Shyndalıev Astanadaǵy LRT qurylysy kezinde qarjy jymqyrdy degen aıyppen sottalǵandardy quqyq qorǵaý organdary nege Qazaqstanǵa qaıtara almaıtynyn túsindirýge tyrysty.

Sonymen qatar, sheneýniktiń málimetinshe, Interpol Astana ákiminiń burynǵy orynbasary Qanat Sultanbekovti izdestirip jatyr.