Qazaqstanda keibir blogerlerge qatysty tekseris bastalmaq, – dep habarlaidy Dalanews.kz.
Qarjy vitse-ministri Erjan Birjanovtyń sózinshe, blogerlermen júrgizilgen jumys nátijesinde bir ai ishinde biýdjetke qosymsha 9 milliard teńge túsken. Bul soma blogerler Memlekettik kirister komitetiniń eskertýinen keiin erikti túrde tapsyrǵan jańa deklaratsiialarda kórsetilgen.
“Bir ai ishinde osy soma biýdjetke tústi. Keibir blogerlerge qatysty tekseris bastalady. Sebebi olar qoiylǵan talaptarmen kelispedi. Sondyqtan jumys jalǵasyp jatyr", – dedi vitse-ministr.
Kóptegen blogerdiń lotereialar men utys oiyndaryn ótkizýi zańbuzýshylyq sanalady, sondyqtan olarǵa sanktsiia qoldanylýy múmkin.
"Qazir kóptegen bloger lotereia, utys oiyndaryn ótkizip jatady. Bul zańmen tyiym salynǵan áreket ekenin eskertkim keledi. Sondyqtan olarǵa da sanktsiialar qoldanylýy múmkin. Zań aiasynda jumys isteý kerek", – dep eskertti ministrlik ókili.
Erjan Birjanov "salyq tóleýden jaltarǵany úshin blogerlerge qylmystyq is qozǵalýy múmkin be?" degen suraqqa jaýap berdi.
"Qylmystyq isti biz qozǵamaimyz. Biz tek salyq turǵysynan qaraimyz, eseptep, qosymsha óndirip alamyz. Al lotereia qyzmeti týraly zańbuzýshylyqtar boiynsha ýákiletti organ - Sport jáne týrizm ministrliginiń tiisti komiteti. Bul tusta ákimshilik jaýapkershilik qarastyrylǵan. Eger somalar belgili bir shekten asyp ketse, materialdar quqyq qorǵaý organdaryna beriledi", – dep túiindedi vitse-ministr.
Eske salaiyq, buǵan deiin Úkimet blogerler men infliýenserlerdiń lotereia ótkizýin zańsyz dep málimdedi.
Ulttyq ekonomika ministri Serik Jumanǵarinniń aitýynsha, Mádeniet jáne aqparat ministrligi Instagram, TikTok, Meta syndy áleýmettik jelilermen tyǵyz jumys istep, aqparattyq keńistiktiń ashyqtyǵyn qamtamasyz etý jáne alaiaqtyq shemalardyń jolyn kesý boiynsha sharalar qabyldap jatyr.
Infliýenserler tabysyn kásipkerlik qyzmetke jatqyzý kriteriilerin ázirleý máselesine toqtalǵan Jumanǵarin zań boiynsha infliýenser (bloger) onlain platformada belgisiz tulǵalar tobyna arnalǵan aqparat jariialaityn jáne ony kásipkerlik maqsatta júzege asyratyn paidalanýshy ekenin aitty.
