Aýylymyz qaladan shalǵaı bolǵandyqtan, ınternet jelisi durys jolǵa qoıylmaǵan. Aýyl turǵyndarynyń ermegi – teledıdar. Kók jáshikte kópshilikke arnalǵan baǵdarlama kóp-aq. Ataýy basqa, aıtary bir. Otbasymmen otyryp men de biraz habardy kóremin. Baǵdarlamadan bólek, sheteldiń kıno-serıaldary da kóp. Baıqaǵanym, «Hit Qazaqstan», «Qyzyq eken», «Máseleniń» qalyptasqan kórermeni bar.
«Habar» arnasynyń «Tikeleı efırin» Láılá Sultanqyzy júrgizedi. Júrgizýshiniń kásibı sheberligine daýymyz joq. Biraq, tikeleı efırdegi sóıleý etıkasy kóńilge qona bermeıdi. «Erkeniń erkeligin kim kóteredi?» degen kezekti shyǵarylymyn kórdik. Belgili ánshini shaqyryp, túrli suraq qoıdy. Degenmen, «júrgen jeri shýǵa aınalatyn Erke qyzdaryńyz» dep tanystyrýy oǵash kórindi. «Júrgen jeri shoý» dese bilinbeı ketetin edi. Qazaqta júrgen jerine shóp shyqpaǵan, artynan daýy úzilmegen adamdy «atyshýly» demeýshi me edi? Odan keıin keıipker jaıly beınesújet kórsetildi. «Ajyrasqan Erke…», «Erkeniń ekinshi kúıeýi kim?», «Jigitterge jabysqan Erke» syndy dóreki sózderi qulaqqa túrpideı tıdi.
Tikeleı efır barysynda, ásirese, shoý bolǵan soń, ártúrli jaǵdaılar jıi kezdesedi. Mundaıdan ádemi shyǵýdyń jolyn biletin Láılá hanymnyń sheberligine tánti bolasyń. Biraq, tikeleı efırde tym erkinsip, qulaqqa túrpideı tıetin sózderdi qoldanbasa ıgi edi.
Derekkózi: stan.kz
https://dalanews.kz/24503
