Láilá Sultanqyzy shetelge ketedi
Buǵan deiin dalanews.kz saitynda Láilá Sultanqyzynyń «Balapan» telearnasynyń jumysyn kópshiliktiń kóńilinen shyǵatyndai deńgeige kótere almaǵany jazǵan edik. Maqalada Láilá hanymynyń kóp ýaqytyn shoý-bizneske arnap, «Balapan» arnasynyń jumysyn qojyratyp alǵanyn sóz etken bolatynbyz. Jańa basshylyq «Balapan» arnasynyń jumysyn qanshalyqty jańǵyrta alatyny ázirge belgisiz. Bul endi ýaqyttyń enshisindegi sharýa.
«Balapan» telearnasynyń qurylǵanyna 7 jyl bolsa, ony 5 jyl Láilá Sultanqyzy basqaryp, osy jyldar ishinde 300-ge jýyq joba dúniege kelipti. Osynsha qyrýar jumys atqarylsa da qazaq balalary sheteldiń balalarǵa arnalǵan telaranasyn kórip kelgeni jasyryn emes. Sondyqtan aldaǵy ýaqytta «Balapannyń» jańa basshylary qazaq balalary kóz almai qaraityn mýltfilmder túsirýi kerek. Bul úshin myqty mamandardy «Balapan» arnasyna tartyp, «Qazaqfilmmen» tize qosyp jumys isteýi qajet-aq. Al «Balapannyń» baǵy asha almaǵan Láilá hanym bolsa:
– Bes jyl balalarmen úide otyryp, balalar arnalaryn tamashaladym. Balalarymnyń ne kóretini qyzyqty, qysqasy osy jyldar ishinde sheteldik balalar arnalaryn zerttedim desem de bolady, – depti. Biraq odan aýyz toltyryp aityp júretinde nátije shyqpaǵanyn bárimiz bilemiz. Endi shetelge oqýǵa attanyp, tanym kókjiegin keńeitýge niettengen Láiláǵa sáttilik basqa tilerimiz joq.
N.Áýbákir
https://dalanews.kz/24503
