بۇعان دەيىن dalanews.kz سايتىندا ءلايلا سۇلتان قىزىنىڭ «بالاپان» تەلەارناسىنىڭ جۇمىسىن كوپشىلىكتىڭ كوڭىلىنەن شىعاتىنداي دەڭگەيگە كوتەرە الماعانى جازعان ەدىك. ماقالادا ءلايلا حانىمىنىڭ كوپ ۋاقىتىن شوۋ-بيزنەسكە ارناپ، «بالاپان» ارناسىنىڭ جۇمىسىن قوجىراتىپ العانىن ءسوز ەتكەن بولاتىنبىز. جاڭا باسشىلىق «بالاپان» ارناسىنىڭ جۇمىسىن قانشالىقتى جاڭعىرتا الاتىنى ازىرگە بەلگىسىز. بۇل ەندى ۋاقىتتىڭ ەنشىسىندەگى شارۋا.
«بالاپان» تەلەارناسىنىڭ قۇرىلعانىنا 7 جىل بولسا، ونى 5 جىل ءلايلا سۇلتان قىزى باسقارىپ، وسى جىلدار ىشىندە 300-گە جۋىق جوبا دۇنيەگە كەلىپتى. وسىنشا قىرۋار جۇمىس اتقارىلسا دا قازاق بالالارى شەتەلدىڭ بالالارعا ارنالعان تەلاراناسىن كورىپ كەلگەنى جاسىرىن ەمەس. سوندىقتان الداعى ۋاقىتتا «بالاپاننىڭ» جاڭا باسشىلارى قازاق بالالارى كوز الماي قارايتىن مۋلتفيلمدەر ءتۇسىرۋى كەرەك. بۇل ءۇشىن مىقتى مامانداردى «بالاپان» ارناسىنا تارتىپ، «قازاقفيلممەن» تىزە قوسىپ جۇمىس ىستەۋى قاجەت-اق. ال «بالاپاننىڭ» باعى اشا الماعان ءلايلا حانىم بولسا:
– بەس جىل بالالارمەن ۇيدە وتىرىپ، بالالار ارنالارىن تاماشالادىم. بالالارىمنىڭ نە كورەتىنى قىزىقتى، قىسقاسى وسى جىلدار ىشىندە شەتەلدىك بالالار ارنالارىن زەرتتەدىم دەسەم دە بولادى، – دەپتى. ءبىراق ودان اۋىز تولتىرىپ ايتىپ جۇرەتىندە ناتيجە شىقپاعانىن ءبارىمىز بىلەمىز. ەندى شەتەلگە وقۋعا اتتانىپ، تانىم كوكجيەگىن كەڭەيتۋگە نيەتتەنگەن ءلايلاعا ساتتىلىك باسقا تىلەرىمىز جوق.
ن.اۋباكىر
https://dalanews.kz/24503
