Latviia úkimeti 2026 jyldan bastap mektepterde orys tilin ekinshi shet tili retinde oqytýdy toqtatý týraly sheshim qabyldady, dep habarlaidy Dalanews.kz.
Esesine, 2026-2027 oqý jylynan bastap orta bilim berý uiymdary stýdentterge Eýropalyq Odaqtyń (EO) nemese Eýropalyq ekonomikalyq keńistikke (EEO) múshe elderdiń tilin ekinshi shet tili retinde tańdaýǵa múmkindik beredi.
"Bul jaqsy jańalyq!", - dep túsindirdi respýblikanyń premer-ministri Evika Silinia. Onyń aitýynsha, mundai bastama jastardy Eýropanyń bilim keńistigine bas suǵýyna yqpal etedi.
"Mektepte Eýroodaq tilderiniń birin ekinshi shet tili retinde tańdaý arqyly biz Eýropanyń mádeni keńistigine jáne demokratiialyq álem qundylyqtaryna jatatyndyǵymyzdy rastaimyz. Osy ǵasyrda Resei bastaǵan qandy soǵys jáne ýkrain halqynyń genotsidinen keiin orys tili Latviia qoǵamynyń edáýir bóligi úshin mindetti ekinshi shet tili retinde qala almaidy", - dedi Latviianyń bilim jáne ǵylym ministri Anda Chaksha Latviia ministrler kabinetiniń saityna bergen suqbatynda.
Osyǵan deiin oppozitsiialyq Estoniianyń Konservativtik halyqtyq partiiasy (ShQHA) respýblika parlamentine ministrlikter men basqa da memlekettik mekemeler saittarynyń orys tilindegi nusqalaryn joiý týraly zań jobasyn usynǵan bolatyn.
Ótken aptada Resei Federatsiiasynyń Memlekettik Dýmasy Litva, Latviia jáne Estoniia basshylyǵynyń orystildi azamattarǵa qatysty saiasatyn aiyptaityn úndeý jobasyn qabyldady.
Naýryz aiynda Máskeý Eýropadaǵy orystildi halyqty kemsitýdi toqtatýdy talap etti.
Buǵan deiin Latviia úkimeti 2026 jyldan bastap mektepterde orys tilin ekinshi shet tili retinde oqytýdan bas tartý týraly sheshim qabyldaǵan bolatyn.
Aita keteiik, Litva biligi de mektepterde orys tilin oqytýdan bas tartý múmkindigin qarastyryp jatyr.
Bul týraly Žinių radijas radiosynda Litvanyń Bilim, ǵylym jáne sport ministri Gintaýtas Iakshtas aitty.
"Biz orystildi mektepterden bas tartyp qana qoimai, orys tilin shet tili retinde oqytýdan bas tartatyn kórshi Latviia men Estoniianyń izimen júrýimiz kerek", – dedi ol.
