"Mańǵystaý – Tetis muhitynyń bir bóligi" biregei derekti filminiń túsirilimi aiaqtalýǵa jaqyn, - dep habarlaidy Dalanews.kz.
Bul ataý metafora ǵana emes, kezinde Mańǵystaý aýmaǵynda shyn máninde grek qudaiy Tetistiń qurmetine atalǵan muhit bolǵan.
Derekti filmde Mańǵystaý aýmaǵynda oryn alǵan tabiǵi ózgeris pen geologiialyq qurylysyndaǵy ózgerister jaily aitylady, sondai-aq buryn jáne qazirgi tańda aýyz sý kózderin izdeý men óndirý joldary kórsetiledi.
Filmniń negizgi keiipkeri – qudyqshy, qarapaiym adam. Ol ata-babasynan qalǵan sý kózin tabý qupiiasy men qurylys tásilin meńgergen, al onyń qazǵan qudyqtarynyń tereńdigi 30-50-100 metrge deiin jetedi. Filmge túrli salanyń mamandary da túsken. Munda Aiash Kógeshev ótken ǵasyrdyń alpysynshy jyldary Mańǵystaýdan tushy sýdyń úlken qoinaýqatyn tapqan. Osy jańalyqtyń arqasynda Qazaqstanda munai óndirý qarqyndy dami bastady. Mádeniettanýshy jáne tanymal kitaptardyń avtory Zira Naýryzbaeva qazaqtardyń sýǵa qatysty quntty ári ezoterikalyq tusy bar mifologiialyq kózqarastaryn taldaidy jáne óz pikirimen bólisedi. Al tanymal ekolog Bolat Esekin tushy sýǵa qatysty jahandyq máselelerdi kóteredi jáne sý resýrstaryn utymdy paidalanýǵa shaqyrady.
"Mańǵystaý – Tetis muhitynyń bir bóligi" filmi poetikalyq qujattaný janrynda túsirilgen, filmde kóterilgen máseleler ǵalamsharymyzdyń bolashaǵyna tikelei bailanysty. Derekti filmdi "Ardfilm" kinokompaniiasy Ulttyq kinony qoldaý ortalyǵynyń kómegimen túsirgen.
