"ماڭعىستاۋ – تەتيس مۇحيتىنىڭ ءبىر بولىگى" بىرەگەي دەرەكتى ءفيلمىنىڭ ءتۇسىرىلىمى اياقتالۋعا جاقىن، - دەپ حابارلايدى Dalanews.kz.
بۇل اتاۋ مەتافورا عانا ەمەس، كەزىندە ماڭعىستاۋ اۋماعىندا شىن مانىندە گرەك قۇدايى تەتيستىڭ قۇرمەتىنە اتالعان مۇحيت بولعان.
دەرەكتى فيلمدە ماڭعىستاۋ اۋماعىندا ورىن العان تابيعي وزگەرىس پەن گەولوگيالىق قۇرىلىسىنداعى وزگەرىستەر جايلى ايتىلادى، سونداي-اق بۇرىن جانە قازىرگى تاڭدا اۋىز سۋ كوزدەرىن ىزدەۋ مەن ءوندىرۋ جولدارى كورسەتىلەدى.
ءفيلمنىڭ نەگىزگى كەيىپكەرى – قۇدىقشى، قاراپايىم ادام. ول اتا-باباسىنان قالعان سۋ كوزىن تابۋ قۇپياسى مەن قۇرىلىس ءتاسىلىن مەڭگەرگەن، ال ونىڭ قازعان قۇدىقتارىنىڭ تەرەڭدىگى 30-50-100 مەترگە دەيىن جەتەدى. فيلمگە ءتۇرلى سالانىڭ ماماندارى دا تۇسكەن. مۇندا اياش كوگەشيەۆ وتكەن عاسىردىڭ الپىسىنشى جىلدارى ماڭعىستاۋدان تۇششى سۋدىڭ ۇلكەن قويناۋقاتىن تاپقان. وسى جاڭالىقتىڭ ارقاسىندا قازاقستاندا مۇناي ءوندىرۋ قارقىندى دامي باستادى. مادەنيەتتانۋشى جانە تانىمال كىتاپتاردىڭ اۆتورى زيرا ناۋرىزبايەۆا قازاقتاردىڭ سۋعا قاتىستى قۇنتتى ءارى ەزوتەريكالىق تۇسى بار ميفولوگيالىق كوزقاراستارىن تالدايدى جانە ءوز پىكىرىمەن بولىسەدى. ال تانىمال ەكولوگ بولات ەسەكين تۇششى سۋعا قاتىستى جاھاندىق ماسەلەلەردى كوتەرەدى جانە سۋ رەسۋرستارىن ۇتىمدى پايدالانۋعا شاقىرادى.
"ماڭعىستاۋ – تەتيس مۇحيتىنىڭ ءبىر بولىگى" ءفيلمى پوەتيكالىق قۇجاتتانۋ جانرىندا تۇسىرىلگەن، فيلمدە كوتەرىلگەن ماسەلەلەر عالامشارىمىزدىڭ بولاشاعىنا تىكەلەي بايلانىستى. دەرەكتى ءفيلمدى "اردفيلم" كينوكومپانياسى ۇلتتىق كينونى قولداۋ ورتالىعىنىڭ كومەگىمەن تۇسىرگەن.
