Memleket basshysynyń tapsyrmasyn oryndaý maqsatynda Bas prokýratýramen aǵymdaǵy jyldyń 18 maýsymynda Kiev qalasynda oryn alǵan A. Sadyqovty óltirýge oqtalý deregi boynsha qylmystyq is tirkelgen, dep habarlaidy Dalanews.kz.
Ýkrainanyń quqyqqorǵaý organdary jedeldigi men kásibiligin kórsete otyryp, qysqa merzimde osy qylmysty jasaǵan tulǵalardy anyqtady.
Bas prokýratýra Ýkrainanyń quziretti organdaryna Jakanbaev pen Karataevtyń jasalǵan qylmysqa qatystylyǵy týraly qylmystyq istiń materialdaryn berý týraly halyqaralyq tergeý tapsyrmasyn joldady.
Aǵymdaǵy jyldyń 21 maýsymynda A.M. Jakanbaev Qazaqstan Respýblikasynyń ishki ister organdaryna óz betinshe habarlasyp, odan istiń mán-jaiy boiynsha jaýap alyndy. Sol kúni ol osy qylmysty jasady degen kúdikpen ustaldy.
M. Karataevtyń turǵan jerin anyqtaý boiynsha jedel izdestirý sharalary júrgizilýde.
Tergeýdiń múddesine orai basqa aqparat jariialanbaidy.
