Donald Tramp Aq úige qaita oralǵan jaǵdaida Ýkrainaǵa kómek kórsetý jospary joq ekenin anyq aitty, - dep habarlaidy Dalanews.kz.
Ol, sonymen qatar, Ýkraina prezidenti Vladimir Zelenskiidi jáne saiasi qarsylastary Djo Baiden men Kamala Harristi synǵa alyp, olardyń soǵysty toqtata almaǵanyn atap ótti.
Tramptyń pikirinshe, Ýkraina soǵysty boldyrmaý úshin "azdap artqa sheginýi" qajet edi.
"Baiden men Harris qazir tyǵyryqqa tireldi. Olar eshteńe istei almaidy. Keshe BUU-da sóilep turǵan beishara Zelenskiidi kórdim. Onyń ózi ne aityp turǵanyn túsinbedi, óitkeni ol jaqsy biletin Ýkraina endigi jerde joq", – dedi Tramp. "Bul endi Ýkraina emes. Siz qiraǵan qalalar men aýyldardy qaita qalpyna keltire almaisyz, qaitys bolǵan adamdardy da qaitara almaisyz. Myńdaǵan adam qurban boldy. Biz áli de milliardtaǵan dollardy Zelenskiige jiberýdemiz, biraq ol mámilege barýdan bas tartýda".
Tramptyń oiynsha, Ýkraina "ózine tiimsiz mámile jasasa da", bul qazirgi jaǵdaidan áldeqaida kórim bolar edi. "Olar sál ǵana keiin sheginse, adamdar aman qalar edi. Ár ǵimarat bútin bolar edi, árbir munara myńdaǵan jol boiy miz baqpai tura berer edi", – dep málimdedi Tramp.
Sonymen qatar, Tramp Baiden men Harristi Zelenskiige buryn-sońdy bolmaǵan qarjylai jáne áskeri kómek kórsetkeni úshin synǵa aldy. Ol Ýkrainadaǵy jaǵdaidyń ýshyǵýy sebebinen soǵysqa "balalar men qarttardy paidalanýǵa májbúr bolyp jatqanyn" aityp, bul týraly ashyp aitýdyń ońai emesin atap ótti.
Bloomberg agenttigi Tramptyń Soltústik Karolinadaǵy sailaýaldy is-sharasynda Ýkraina men Zelenskii týraly aitqan sózderi "onyń osy kúnge deiingi eń qatań jáne tikelei málimdemeleriniń biri" dep atap kórsetti.
