DDSU-nyń Eýropalyq aımaqtyq Búrosymen birqatar tehnıkalyq konsýltasıa júrgizilgennnen keıin, COVID-19 aýrýlardyń halyqaralyq jiktemesiniń jańa kody boıynsha kodtaý jáne esepke alý týraly sheshim qabyldandy.
2020 jyldyń 1 tamyzynan bastap zerthanada anyqtalǵan COVID-19 ben PTR-test nátıjesi taza, biraq koronavırýs ınfeksıasynyń klınıkalyq jáne epıdemıologıalyq belgileri bar pnevmonıa birge esepke alynady.
KVI jáne pnevmonıany esepke alýdyń jańa tásili durys boljam jasaýǵa, qajetti resýrstardy: medısınalyq kadr, tósek-oryn, medısınalyq jabdyq, dárilik zattardy josparlaýǵa, sondaı-aq statısıkanyń ashyq bolýyna múmkindik beredi. Bul memleketimizdiń pandemıaǵa birge kúresýge jáne onyń saldaryn halyqaralyq qaýymdastyqpen tyǵyz baılanysta zertteýge daıyn ekenin kórsetedi.
Densaýlyq saqtaý mınıstrligi koronavırýs ınfeksıasy boıynsha statısıkany durys qalyptastyrý úshin Kodtaý algorıtmi men derekterdi aqparattyq júıelerge engizýdiń nusqaýlyǵyn ázirledi, medısına qyzmetkerlerin COVID-19 kodtaryn AHJ-10 jiktemesi boıynsha ázirleýge oqytty.
Osylaısha, 2020 jyldyń 1 tamyzyndaǵy jaǵdaı boıynsha, 1 226 adamnan COVID-19 anyqtalyp, sońǵy táýlikte 36 adam qaıtys boldy. 5 181 naýqas zerthanada anyqtalmaǵan, biraq koronavırýs ınfeksıasynyń klınıkalyq jáne epıdemıologıalyq belgileri bar pnevmonıaǵa shaldyqqan. Ótken táýlikte osy dıagnozdan 30 pasıent qaıtys boldy.
QR Densaýlyq saqtaý mınıstrliginiń Aqparat ortalyǵy
