KVN-niń tanymal "Ýtomlionnye solntsem" komandasynyń múshesi Elena Rybalko jol apatynan kóz jumdy, dep habarlaidy dalanews.kz.
Qaiǵyly jaǵdai 1 mamyr kúni keshki ýaqytta Sochidiń Adler aýdanynda bolǵan. Aldyn ala málimet boiynsha, 53 jastaǵy ártis joldy belgilenbegen jerden kesip ótpek bolǵan. Sol sátte Toyota kóliginiń júrgizýshisi tejegishti basyp úlgermei, ony qaǵyp ketken.
Elena Rybalkonyń jubaiy jýrnalisterge oqiǵany rastaǵan. Ol otbasy úshin aýyr kezeńde mazalamaýdy suraǵan.
Elena Rybalko kórermenge "Ýtomlionnye solntsem" komandasy arqyly jaqsy tanys. Ol Mihail Galýstian jáne Aleksandr Revvamen birge sahnaǵa shyǵyp, 2000-jyldardyń basynda KVN Joǵary ligasynda óner kórsetti. 2003 jyly atalǵan komanda chempion atanǵan edi.
Sońǵy jyldary aktrisa úlken sahnaǵa sirek shyǵyp, negizinen mereitoilyq kontsertterge qatysyp júrgen.
