Kúieýinen qorlyq kórgen Karina Abdýllina ulyn basqa adamnyń atyna jazdyrǵan
Kúieýinen qorlyq kórgen Karina Abdýllina ulyn basqa adamnyń atyna jazdyrǵan,
– Ózimniń otbasym joq. Anam kishkene kezimde qaitys bolǵan. Biyl qadirli ákem ómirden ozdy. Sondyqtan kishkentaiymnan berik otbasym bolsa eken dep armandadym. Biraq meniń bul armanym oryndalmady. 2015 jyly, jańa jyl meiramynda men jarym Artemmen birge enemniń úiine bardym. Ol kezde aiaǵym aýyr boldy. Sol jańalyqty aitýǵa asyqtym. Biraq eneme aitqan edim, ol "Taǵy qandai bala týraly aityp otyrsyń?, – dep aityp saldy.
Men ol kezde ómirde mundai adamdardyń bolatynyn bilmeppin. Qansha tárbieli bolyp júrip, mundai adamdarmen qalai taǵdyr jolyqtyrǵanyn túsinbedim. Bul tusta kúieýim Artem meni qoldaýy kerek bolǵan, biraq ol anasynyń betinen súidi de, úiden shyǵyp bara jatqan meni jubatýǵa asyqpady", – dep kózine jas aldy Karina.
Osylaisha, anasy men aǵasynyń sózderine erip, týǵan balasyn moiyndamai qoiǵan iri otandyq munai kompaniiasynyń direktory bolǵan jary Artem Karinany tipti taiaqtyń astyna da alǵan eken.
Biraq, bul tusta ónerdegi áriptesi Bolat Syzdyqovtyń kómegi Karinany barlyq jamandyqtardan qutqaryp qalǵandai. Ol perzenthanada Karinanyń janynda bolyp, Artemniń balasyn úiine shyǵarǵanda da Karinanyń janynda bolǵan.
Ol balasyn Bolattyń atyna, iaǵni Albert Bolatuly Abdýllin dep qujatyna jazdyrypty.
Kúieýinen qorlyq kórgen Karina Abdýllina ulyn basqa adamnyń atyna jazdyrǵan
Bolattyń qiyn kezeńderde ózine jasaǵan jaqsylyqtaryn eske alǵan Karina:
– Bolat ómirden ótkende meniń asqar taýym qulaǵandai boldym. Ol meniń tiregim edi. Ol ómir boiy meni qorǵap-qoldap keldi. Bilesiz be, ol qaitys bolǵanda meniń ulyma tipti taý bókterindegi úiin de jazdyryp ketipti ǵoi. Nege ekenin bilesiz be? Sebebi, Alberttiń kózderi Karinadan ainymaidy depti ol, – degen ánshi jylap jiberdi.
"Eger balam bolmasa, men úshin ómirdiń máni bolmas edi",- dep jylap jiberdi Karina. Karina Abdýllina búgin uly Albertti jalǵyz ózi tárbielep otyr. Janynda demeý bolar áke-sheshesi de, jaqyn adamy da joq.
"Bolattyń ómirden ótýi men úshin aýyr soqqy, orny tolmas qaiǵy boldy", - degen ol "endigi ómirimniń máni tek jalǵyz ulym" deidi.
