Jyl basynan beri Almatyǵa arnaiy saiahattap keletin sheteldik týrister sany byltyrmen salystyrǵanda kúrt artty. 2024 jyldyń tek alǵashqy segiz aiynda megapolis qazynasyna týrizm salasynan 62,5 mlrd teńge salyq túsken. Bul týraly «Almaty týrizm biýro» málim etti,dep habarlaidy Dalanews.kz.
Búgin «Almaty týrizm biýro» uiymdastyrǵan brifingte qalaǵa kelýshi sheteldik týristerge sipattama berildi.Biýronyń marketing jáne strategiialyq taldaý departamentiniń jetekshisi Rýslan Janabaevtyń aitýynsha, Almatyǵa keletin sheteldik týristiń jas shamasy 26-35-te. Onyń sózinshe, saiahatshylardyń 40 paiyzy Almatyǵajalǵyz kelse, 30 paiyzy dostarymen, al taǵy 30 paiyzy otbasymen keletin kórinedi. Odan bólek Almatyǵa qonaq bolyp kelgen sheteldikterdiń 42 paiyzy qonaq úilerge ornalasady, 27 paiyzy hostelderge, al 31 paiyzy apartamentterge toqtaidy eken.
«Sońǵy eki-úsh jylda qonaq úiler tolyp, týristerge artyq oryn tabylmaǵandyqtan hostelderge suranys artqan. Hostel týrister úshin qalta kóteretin jatyn oryndary. Qazir qalada hostelder kóbeidi», - deidi Rýslan Janabaev.
Resmi málimet boiynsha, Almatyǵa kelýshilerdiń 68 paiyzy demalý maqsatyn kózdeidi, al 32 paiyzy issaparmen keledi. «Almaty týrizm biýro» usynǵan málimetke súiensek, Almaty qonaqtary qaladaǵy mádeni is-sharalarǵa, ekotýrizmge, sondai-aq kóńil kóteretin oiyn-saýyqtarǵaqyzyǵýshylyq tanytady.
«Birinshi kezekte bizdiń týristerge qalamyzdyń kórikti jerleri – taýy, ulttyq saiabaqtarymyz, jalpy tabiǵaty unaidy. Sondyqtan biz tabiǵatty aialap, taza ustaýymyz qajet. Qazir biz Ile Alataýy tabiǵi parkimen tyǵyz jumys isteimiz, óitkeni ol qalaǵa jaqyn ornalasqan. Biz saiabaqtaǵy jalǵyz aiaq joldardy abattandyryp jatyrmyz, bul birinshi kezekte týristerdiń qaýipsizdigi úshin jasalady. Bunyń ishki týrizmge de paidasy zor. Ekotýrizmdi bizdiń salanyń draiveri retinde kóremiz», - deidi Rýslan Janabaev.
Qazirgi tańda qala biligi týrizm salasynyń Almatybiýdjetindegi úlesin arttyrýdy maqsat etip otyr. Osy oraida qalaǵa qydyryp kelgen sheteldik týristiń qaltasynan qansha qarajat jumsaityny mańyzdy. Resmi derek boiynsha sheteldik týrist qalada ortasha eseppen 5 kún júredtin kórinedi. Biýro málimetinshe, olar kúnine 334 AQSh dollaryn jumsaidy eken.
«Kóńil aýdaratyn bir nárse – Almatyǵa kelgen týristerdiń qaltasynan shyǵatyn shyǵyn. Salystyrmaly túrde aitsaq, sheteldik týrist otandyq týriske qaraǵanda 7-8 ese kóp aqsha jumsaidy. Demek, biz sheteldik týristerdiń kóptep kelýin qamtamasyz etý úshin kóp jumys isteýimiz kerek. Onyń sebebi – sheteldik týrist qala biýdjetine kóbirek paida ákeletindiginde», - deidi «Almaty týrizm biýro» ókili.
Sondai-aq týristerdiń negizgi qyzyǵýshylyqtary men olardyń qarajaty qaida jumsalatyny týraly Mastercard Tourism and Insights platformasy júrgizgen zertteý BAQ ókilderiniń nazaryna usynyldy. Atalmysh platformanyń aǵa basqarýshy keńesshisi Baýyrjan Jazyqbaevtyń aitýynsha, Almatyda júrgen sheteldik týrister kóbinese qonaq úilerge, meiramhanalarǵa jáne áýe biletterine shyǵyndanady. Mastercard Tourism and Insights dereginshe, Almatyǵa deiin bilet brondaý boiynsha alǵashqy bestikte Túrkiia, Ońtústik Koreia, Qytai, BAÁ jáne Úndistan tur. Platforma zertteýi sheteldik qonaqtardyń negizinen tabiǵatqa, ónerge, mádeniet pen belsendi sporttyq is-áreketterge qyzyǵýshylyq tanytqanyn kórsetip otyr.
«Shymbulaq taýly kýrorty óziniń infraqurylymymen, qala ortalyǵyna jaqyn ornalasýymen sheteldik týrister arasynda óte tanymal», - deidi Baýyrjan Jazyqbaev.
Jalpy Almaty qalasynda týrizm salasynda máseleler de joq emes. Ásirese bul salada jyl saiyn artyp jatqan týrister legine qonaq úi jetispeýshiligi, infraqurylymdaǵy keibir máseleler baiqalady. AlaidaAlmaty qalasy ákimdigi ishki jáne syrtqy týrizmdi damytý boiynsha naqty sharalardy júzege asyrýda. Máselen 2027 jylǵa deiin megapoliste investorlardyń qoldaýymen jiyrmadan astam qonaq úi salý josparlanyp otyr.
