"Almatylyq Aiajan Edilova iz-tússiz joǵalyp ketkeni týraly habar 20 naýryz kúni kelip tústi. Is tirkelgen soń, jedel izdestirý sharalary júrgizildi. Nátijesinde 21 naýryzda túngi saǵat 22:00-de joǵalǵan qyzdyń eń sońǵy barǵan mekenjaiy anyqtaldy. Alataý aýdany Nurkent yqsham aýdanynda kúdiktiniń turatany belgili boldy. Kúdikti 1993 jylǵy azamat, onyń úiine kirý úshin politseiler esikti buzýǵa týra keldi. Páterge basyp kirgen poltsieilerdi kórgen azamat ózine qol salmaqshy bolǵan. Jedel járdem shaqyrtylyp, kúdikti aýrýhanaǵa jetkizildi. Qazir ol tutqyndaýly", - dedi Almaty qalasy politsiia departamenti basshysynyń orynbasary Rýstam Abdrahmanov.
Buǵan qosa, marqumnyń bólshektengen denesi tabylǵany rastaldy. Politseilerdiń málimetinshe, kúdikti máiittiń kózin qurtý úshin osylai istegen. Ol osylaisha qylmysyn jasyrmaq bolǵan.
Qaitys bolǵan qyzdyń aǵasynyń aitýynsha, kúdiktiniń joǵary meditsinalyq bilimi bar. Otbasy da oqyǵan, bilimdi adamdar kórinedi.
"Kúdiktiniń sózinshe, ol boijetkendi 19-nan 20 naýryzǵa qaraǵan túni, shamamen 23:00 men 00:00 shamasynda óltirgen. Iaǵni, qylmys Aiajan Edilovanyń joǵalǵany týraly habar kelip túspei turyp bolǵan. Boijetken denesiniń kei bólikteri Alataý aýdany men Bostandyq aýdanyndaǵy qoqys jáshikterinen tabyldy. Sot saraptamasy taǵaiyndaldy. Qylmys páterde oryn alǵan", - dep qosty ol.
Kóp qabatty úidiń turǵyndary páterden birtúrli dybystar estimegenin aitady. Barlyǵy tynysh bolǵan.
PD taratqan málimetterge sáikes, kúdikti men boijetken áleýmettik jeli arqyly tanysqan. Ustalǵan azamat buryn sottalmaǵan. Kúdikti osy ýaqytqa deiin tipti ákimshilik jaýapkershilikke de tartylmapty.
"Marqum kúdiktimen Badoo jelisi arqyly tanysyp, úiine barǵan. Kúdikti men zardap shegýshiniń arasynda jynystyq qatynas bolǵan-bolmaǵany belgisiz. Ekeýi úsh kúndei tanys bolǵan. Er azamattyń sózinshe, olardyń arasynda janjal týyp, artynsha ashýǵa býlyqqan ol qyzdy óltirgen", - dedi PD ókilderi.
Úidiń aýlasynda jáne dálizinde ornalasqan beinebaqylaý kameralarynda qyzdyń úige óz erkimen kirgeni anyq kóringen. Boijetkenniń neden kóz jumǵany aldaǵy ýaqytta anyqtalatyn bolady.
Óz kezeginde qyzdyń týystary beitanys er adammen ne sebepti kezdesýge barǵany týraly birneshe boljam usynyp otyr.
"Solardyń biri internet-dúkenniń jumystarymen barýy múmkin degen boljam. Al osyǵan deiin er adammen jańadan tanysyp, qarym-qatynas ornatpaq bolyp, kezdesýge barǵan degen nusqa joqqa shyǵaryldy. Óitkeni boijetkenniń jigiti bolǵan kórinedi", - deidi NemolchiKZ qorynyń negizin qalaýshy Dina Tańsári.
Eske salsaq, osyǵan deiin Almatyda 19 jastaǵy qyz túnde jumystan shyǵyp úiine oralmaǵany týraly habarlanǵan.
2021 jyldyń 19 naýryzynda saǵat 20.48-de boijetken Qonaev kóshesi 43 meken-jaiy boiynsha jumystan shyqqanyn sońǵy ret baqylaý kameralary tirkegen. Biraq úiine oralmaǵan. Onyń ústinde qara kýrtka, keń qara djinsy, basynda qara beret bar. Qolyna qyzǵylt sómke ustaǵan.
19 naýryzda joǵalyp ketken Almaty turǵyny Aiajan Edilova óli kúiinde tabyldy. Almaty politsiiasy kúdiktini ustady.
"Habar-osharsyz ketken adamnyń turǵan jerin jáne onyń joǵalý jaǵdailaryn anyqtaý úshin jedel-tergeý toby quryldy. Jedel-izdestirý is-sharalaryn júrgizý barysynda boijetkenniń joǵalyp ketken kúni áleýmettik jelilerde tanysqan jańa tanysymen kezdesýge jinalǵany anyqtaldy.
Qyzdyń qylmystyq áreketteriniń qurbany bolǵandyǵy anyqtaldy. Kúdikti-Túrkistan oblysynyń turǵyny, 1993 jyly týǵan azamat ustaldy. Tergeý amaldary júrgizilip jatyr, sonyń ishinde kisi óltirýdiń sebebi men tásilin anyqtaý maqsatynda", - dedi Almaty PD kriminaldyq politsiia basqarmasynyń bastyǵy Erkin Ińkárov.
