Buǵan deiin Kúdebaevtyń sáýirdiń 3-i kúni sotqa májbúrli túrde jetkiziletini jáne sol kúni oǵan úkim oqylatyny habarlanǵan.
Aiyptaýshy tarap Qańtar oqiǵasy kezinde jumys ornyn tastap ketken Almaty oblystyq politsiiasynyń burynǵy basshysyn 9 jylǵa bas bostandyǵynan aiyrýdy surap otyr.
Serik Kúdebaevtyń soty qańtar aiynda bastalǵan. Ol Qańtar oqiǵasy boiynsha kúdikti dep tanylǵan. Anyqtalǵandai, Almaty oblysynyń PD burynǵy basshysy "aýyr zardaptarǵa ákep soqtyrǵan qyzmettegi áreketsizdik" degen kúdikke ilingen.
Kúdebaev 2020 jyldyń qańtarynan bastap Almaty oblysynyń politsiia departamentiniń bastyǵy qyzmetin atqarǵan, al 2022 jyldyń 18 aqpanynda ishki ister organdarynan óz erkimen bosatyldy.
Kúdebaevtyń qorǵaýshysy Sáýle Ábjanova onyń qaida júrgeninen habarsyz bolyp shyqty.
"Azattyqqa" pikir bildirgen Ábjanova:
"Ol sońǵy sot otyrysyna qatysqan joq. Sol sebepti (ony) sotqa májbúrli túrde jetkizý týraly sheshim qabyldanǵan. Biz onyń ornalasqanyn jerin bilmeimiz", – dedi.
Advokattyń málim etkenindei, Kúdebaevtyń et jaqyndary generaldyń qolynda jeke klinikada em-dom alýǵa ruqsat beretin qujaty baryn aitqan. Tergeý amaldary júrip jatqan tusta oǵan elden shyǵýǵa shekteý qoiylǵan, alaida onyń merzimi ótip ketkeni belgili boldy.
Qańtardan soń Taldyqorǵanda sherýge shyqqandar jappai qamalyp olar jantúrshigerlik azappen azaptalǵan. Útik basylyp, tyrnaqtarynyń kóbesine shege suǵylǵan, tisteri julynyp, qol-aiaq, qabyrǵalary syndyrylǵan. Alaida azaptaýshylardyń deni maskamen júrgendigin alǵa tartqan quzyrly organ ábirlenýshilerdiń kóbiniń isin toqtatyp tastaǵan.
Tek 23 jábirlenýshiniń aryzymen 5 politsiia qyzmetkeri qamaýǵa alynyp 3-5 jylǵa sottalǵan bolatyn. Onyń biri arnaiy jasaq qyzmetkeri Ermek Jumashev óziniń tek general Kúdebaevqa ǵana baǵynǵanyn, tek sonyń ǵana buiryǵyn oryndaitynyn aitqan.
Foto: Orda.kz
