Kaspii qubyr konsortsiýmynyń (KTK) teńiz terminalyna taǵy da ushqyshsyz ushý apparatymen shabýyl jasalyp, munai tiep jatqan NELSA tankerinde órt shyqty, dep habarlaidy dalanews.kz.
Konsortsiýmnyń málimetinshe, 20 shildede azamattyq teńiz tankeri teńizdegi ailaqtyń №1 qashyqtan tieý qurylǵysynda munai tiep turǵan kezde dronnyń shabýylyna ushyraǵan.
Ushqyshsyz apparat kemeniń oń jaq artqy bóligine tiip, palýba men keme bólimderinde órt shyqqan. Órt ekipaj músheleri men KTK-nyń avariialyq qyzmetteri kúshimen sóndirildi.
Habarlamaǵa sáikes, quramynda 22 adam bolǵan halyqaralyq ekipaj KTK súiretkishterimen evakýatsiialandy. Tek keme kapitany men onyń aǵa kómekshisi ǵana bortta qalǵan. Tankerdiń sý betinde qalqyp turý qabileti saqtalǵan.
Oqiǵadan keiin munai tieý jumystary ýaqytsha toqtatyldy. Konsortsiým málimetinshe, munaidyń tógilýine jáne rezervýarlarda órttiń shyǵýyna jol berilmegen.
KTK bul shabýyl ekipaj músheleriniń ómirine qaýip tóndirip, ekologiialyq ári tehnogendik táýekelderdi kúsheitkenin málimdedi. Sondai-aq konsortsiýmǵa qatysýshy memleketterdi munai eksporttaý infraqurylymyna jasalǵan mundai shabýyldardy aiyptap, olardyń aldyn alý úshin qajetti sharalar qabyldaýǵa shaqyrdy.
