Siýjette alqabilerdi kórsetip jibergen KTK telearnasy qalai jazalanǵany belgili boldy, - dep habarlaidy Dalanews.kz.
Sýdia Aijan Qulbaeva KTK telearnasyna ákimshilik jaza qoldanylǵanyn aitty.
Sonymen qatar, taraptar BAQ ókilderin, onyń ishinde, KTK telearnasynyń tilshilerin sot zalyna kirgizýmen kelisti.
Aita keteiik, KTK telearnasy alqabilerdi kórsetýge tyiym salynsa da olardy siýjette kórsetip jibergen bolatyn. Artynsha sýdia BAQ ókilderin sot zalynan shyǵaryp tastaǵan edi.
Eske salaiyq, buǵan deiin áldekimder Bishimbaev isi boiynsha sýdia Qulbaevaǵa qońyraý shalyp, qorqytqany habarlanǵan bolatyn.
Astana qalasynyń Politsiia departamenti sýdia Aijan Qulbaevaǵa qatysty qorqytý deregi boiynsha qylmystyq is qozǵady.
Sýdianyń uialy telefonyna belgisiz nómirden qońyraýlar men qorqytý habarlamalary túsken.
Qylmystyq kodekstiń 407-babynyń 1-bóligi (Sot tóreligin júzege asyrýǵa kedergi jasaý maqsatynda sottyń qyzmetine aralasý) boiynsha sotqa deiingi is júrgizý bastaldy.
Sýdia jeke qaýipsizdik sharalarymen qamtamasyz etilgen.
Sonymen qatar, internette júrgizilgen monitoring barysynda sýdiaǵa qatysty qylmystyq quqyqbuzýshylyq is-áreketteri bar kóptegen jaǵymsyz jariialanym anyqtalypty.
