Jer reformasy jónindegi komissiianyń kezekti otyrysynda komissiia músheleriniń biri Kenjeǵali Saǵadiev Qazaqstan jerdi eń tiimsiz paidalanyp otyrǵan elderdiń qatarynda degen pikir bildirdi.
Sondyqtan ónimdilikti arttyrý maqsatynda jerdi qazaqstandyqtarǵa satýdy qoldaitynyn aitty. Alaida kadastrlyq baǵasy qaita qaralýy tiis dep esepteidi.
Kenjeǵali Saǵadiev, komissiia múshesi:
— Jer – halyqtyń ómir súretin ortasy. Kásip jasaidy onymen. JIÓ-niń 17%-yn osydan alý kerek bolatyn edi, 4% tómen alyp kelemiz. Jerdi eń tiimsiz paidalanatyn elder qataryndamyz.
Pikir ár túrli, sondyqtan komissiia otyrysy ázir aiaqtala qoimaityn sekildi. Aita keteiik, búgin dóńgelek ústel basynda komissiia músheleriniń barlyǵy derlik jinalmady. 75 adamnyń jeteýi túrli sebeptermen otyrysqa qatyspai otyr. Onyń ekeýi óz erkimen bas tartqan.
Derekkóz: jerturaly.kz
