جەر رەفورماسى جونىندەگى كوميسسيانىڭ كەزەكتى وتىرىسىندا كوميسسيا مۇشەلەرىنىڭ ءبىرى كەنجەعالي ساعادييەۆ قازاقستان جەردى ەڭ ءتيىمسىز پايدالانىپ وتىرعان ەلدەردىڭ قاتارىندا دەگەن پىكىر ءبىلدىردى.
سوندىقتان ونىمدىلىكتى ارتتىرۋ ماقساتىندا جەردى قازاقستاندىقتارعا ساتۋدى قولدايتىنىن ايتتى. الايدا كاداسترلىق باعاسى قايتا قارالۋى ءتيىس دەپ ەسەپتەيدى.
كەنجەعالي ساعادييەۆ، كوميسسيا مۇشەسى:
— جەر – حالىقتىڭ ءومىر سۇرەتىن ورتاسى. كاسىپ جاسايدى ونىمەن. ءجىو-نىڭ 17%-ىن وسىدان الۋ كەرەك بولاتىن ەدى، 4% تومەن الىپ كەلەمىز. جەردى ەڭ ءتيىمسىز پايدالاناتىن ەلدەر قاتارىندامىز.
پىكىر ءار ءتۇرلى، سوندىقتان كوميسسيا وتىرىسى ءازىر اياقتالا قويمايتىن سەكىلدى. ايتا كەتەيىك، بۇگىن دوڭگەلەك ۇستەل باسىندا كوميسسيا مۇشەلەرىنىڭ بارلىعى دەرلىك جينالمادى. 75 ادامنىڭ جەتەۋى ءتۇرلى سەبەپتەرمەن وتىرىسقا قاتىسپاي وتىر. ونىڭ ەكەۋى ءوز ەركىمەن باس تارتقان.
دەرەككوز: jerturaly.kz
