Almatyda Krisha saity zań talaptaryna sáikes kelmeitin jarnama jariialaǵany úshin aiyppul tóledi, dep habarlaidy dalanews.kz.
Qala qurylysyn baqylaý basqarmasy turǵyn úi qurylysy nysandaryn jarnamalaý kezinde zań talaptary buzylǵanyn anyqtaǵan. Vedomstvo málimetinshe, keibir qurylys kompaniialary úleskerlerdiń qarajatyn tartýǵa ruqsat qujattaryn almai turyp, turǵyn úi nysandarynyń jarnamasyn jariialaǵan.
Tekseris qorytyndysy boiynsha Krisha.kz jáne Korter.kz internet platformalarynyń operatorlaryna qatysty ákimshilik quqyqbuzýshylyq týraly hattamalar toltyrylǵan.
Qoldanystaǵy zańnamaǵa sáikes qurylys salýshyda ýákiletti organnyń ruqsaty nemese úleskerlerdiń quqyǵyn qorǵaýǵa arnalǵan zańda kózdelgen ózge de tetikter bolǵan jaǵdaida ǵana azamattardyń qarajatyn tartýǵa jáne turǵyn úi nysandaryn jarnamalaýǵa ruqsat beriledi.
Alaida bul platformalarda jarnamalanǵan keibir nysandarda mundai qujattar bolmaǵan.
Nátijesinde "Kolesa" aktsionerlik qoǵamyna, iaǵni Krisha.kz platformasynyń iesine 1000 AEK kóleminde, al "Fletfai-Qazaqstan" filialyna, iaǵni Korter.kz platformasynyń operatoryna 500 AEK kóleminde ákimshilik aiyppul salynǵan.
