Maqalada Kremldiń 2020 jyldaǵy maqsaty Ózbekstandy EAEO-ǵa qosyp, Eýropalyq odaqqa balama uiym retinde áleýetin keńeitýdi kózdeitini jazylǵan.
Grýzin basylymynyń jazýynsha, byltyr jyl boiy Tashkentti EAEO quramyna qosý úshin kelissózder júrgen.
Biraq tabiǵi resýrsqa bai Ózbekstan Resei qysymyna qarsy tura bildi dep jazady basylym.
Eýraziialyq ekonomikalyq odaq 2001 jyldyń 30 mamyrynda quryldy. Sol jyly Ózbekstan kirip, 2008 jyly qaita shyǵyp ketken.
Qyrǵyzstan men Armeniia 2015 jyldan bastap atalǵan uiymǵa múshe. Budan bólek bul uiymǵa Belarýs, Resei jáne Qazaqstan múshe. Bul alians Vladimir Pýtin úshin Sovet odaǵyn qaita qurý jobasy ispetti. Ol kezinde KSRO-nyń qulaýyn «20-ǵasyrdaǵy eń iri apat» dep ataǵan.
Territorialdyq tutastyǵy Resei tarapynan buzylǵan Grýziia men Ýkraina reseilik yqpaldyń basty qarsylasy. Sovet odaǵy quramynda bolǵan Baltyq elderi Reseidiń saiasi jáne ekonomikalyq orbitasynan tolyq shyǵyp, eýropalyq odaqtyń tolyqqandy múshesi atanǵan.
