ShQO ákimi Ermek Kósherbaev qaza tapqan kenshilerdiń otbasylaryna barlyq qajetti kómek kórsetiletinin jetkizdi, dep habarlaidy Dalanews.kz.
Aitýynsha, bes adam opat bolǵan KAZ Minerals kompaniiasynyń shahtalary úshin ShQO-da jedel shtab qurylǵan. Ákim olardyń otbasyna arnaiy kómek kórsetiletinin málim etti.
“Ár otbasynyń jaǵdaiy bólek. Máselen, biriniń jaǵdaiy jaqsy, keibiriniń jaǵdaiy onsha emes. Tergeý jumystary men komissiia jumysy bitken soń, birge jinalyp, balalardy mektepke ornalastyramyz. Odan keiin bir azamattyń jubaiy jumysqa turamyn dep ótinishin bildirdi. Olardy jumysqa ornalastyramyz. Kompaniia jaýapkershiligi, tergeý bitsin, sosyn belgili bolady”, - dedi ákim.
Eske salaiyq, KAZ Minerals toby habarlaǵandai, Ertis jáne Artemev shahtalarynda qaiǵyly oqiǵa oryn aldy. 31 tamyzda saǵat 17:30 shamasynda Ertis shahtasynda 4 qyzmetkerdiń máiiti tabyldy. Aldyn ala boljam boiynsha olar gazdan ýlanǵan bolýy múmkin. Al 1 qyrkúiekke qaraǵan túni Artemev shahtasynda tastyń qulaýy saldarynan merdiger uiymynyń úńgýshisi jaraqat alyp, qaitys boldy. Oqiǵanyń mán-jaiyn anyqtaý maqsatynda tergeý bastaldy.
