Patsient Almatyǵa 13 naýryzǵa qaraǵan túni Berlin-Minsk-Almaty charterlik reisimen kelgen er adam.
– Ol virýsqa qarsy emdeý men simptomatikalyq terapiianyń tolyq kýrsyn aldy. Aýrý jeńil túrde ótti. Emdeý kezeńinde asqynýlar bolǵan joq. Qazir ol emhananyń meditsinalyq qyzmetkerleriniń qadaǵalaýynda bolatyn 14 kúndik úi karantinine shyǵaryldy, – delingen habarlamada.
Eske salsaq, Almaty qalasynyń bas sanitarlyq dárigeriniń qaýlysyna sáikes, ekipajdy qosa alǵanda, borttaǵy barlyq 12 adam juqpaly aýrýlar statsionaryna karantinge jatqyzylyp, oqshaýlandyrylǵan.
Erteń, baqylaý taldaýy rastalǵannan keiin taǵy bir patsientti shyǵarý josparlanýda. Ol qalalyq balalar juqpaly aýrýlar aýrýhanasynda emdelip jatqan 12 jasar qyz.
25 naýryzda Almatyda koronavirýstan eki adamnyń jazylǵany habarlanǵan bolatyn. "Eki emdelýshi koronavirýstan jazyldy. Qazir olar sońǵy analizderin tapsyryp jatyr. Erteń aýrýhanadan shyǵady", - degen edi aqparat jáne qoǵamdyq damý ministri Dáýren Abaev.
