پاسيەنت الماتىعا 13 ناۋرىزعا قاراعان ءتۇنى بەرلين-مينسك-الماتى چارتەرلىك رەيسىمەن كەلگەن ەر ادام.
– ول ۆيرۋسقا قارسى ەمدەۋ مەن سيمپتوماتيكالىق تەراپيانىڭ تولىق كۋرسىن الدى. اۋرۋ جەڭىل تۇردە ءوتتى. ەمدەۋ كەزەڭىندە اسقىنۋلار بولعان جوق. ءقازىر ول ەمحانانىڭ مەديسينالىق قىزمەتكەرلەرىنىڭ قاداعالاۋىندا بولاتىن 14 كۇندىك ءۇي كارانتينىنە شىعارىلدى، – دەلىنگەن حابارلامادا.
ەسكە سالساق، الماتى قالاسىنىڭ باس سانيتارلىق دارىگەرىنىڭ قاۋلىسىنا سايكەس، ەكيپاجدى قوسا العاندا، بورتتاعى بارلىق 12 ادام جۇقپالى اۋرۋلار ستاسيونارىنا كارانتينگە جاتقىزىلىپ، وقشاۋلاندىرىلعان.
ەرتەڭ، باقىلاۋ تالداۋى راستالعاننان كەيىن تاعى ءبىر پاسيەنتتى شىعارۋ جوسپارلانۋدا. ول قالالىق بالالار جۇقپالى اۋرۋلار اۋرۋحاناسىندا ەمدەلىپ جاتقان 12 جاسار قىز.
25 ناۋرىزدا الماتىدا كوروناۆيرۋستان ەكى ادامنىڭ جازىلعانى حابارلانعان بولاتىن. "ەكى ەمدەلۋشى كوروناۆيرۋستان جازىلدى. ءقازىر ولار سوڭعى اناليزدەرىن تاپسىرىپ جاتىر. ەرتەڭ اۋرۋحانادان شىعادى"، - دەگەن ەدى اقپارات جانە قوعامدىق دامۋ ءمينيسترى داۋرەن ابايەۆ.
