Aǵymdaǵy jyldyń 11 naýryzynda 1A sanaty boıynsha qalada 490 adam karantınde.
Karantındegilerde eshqandaı kataraldy qubylystar men qyzý joq.
Eske salsaq, eldiń bas sanıtarlyq dárigeriniń qaýlysyna sáıkes, koronavırýs tirkelgen elderden kelýshilerdiń barlyǵy mindetti 14 kúndik karantınge oqshaýlaýlanady. Olar_ QHR, Ońtústik Koreıa, Iran jáne Italıa sıaqty elderden kelýshiler ári 1A sanatyna jatady.
Qazaqstanda vırýs tirkelmegen. Úkimet jáne ákimdikter onyń biraq enýine jáne taralýyna jol bermeý úshin naqtyly pármengdi sharalardy júzege asyrýda.
Aýrýhanalarǵa kelýshiler kóp bolǵandyqtan epıdemıalyq shıelenis kezeńinde qala bıligi osy sanattaǵy azamattardy karantındeý úshin qosymsha stasıonarlardy ashýda.
İndettiń qala men respýblıka halqynyń arasynda taralmaýy úshin naqtyly is- sharalar qolǵa alynýda. Biz mundaı is-sharalarǵa túsinistikpen qaraýlaryńyzdy suraımyz. 14 kúndik karantın aıaqtalǵannan keıin medısına qyzmetkerleri tarapynan 10 kún ishinde telefon qońyraýy shalynady. 1B sanatyna jatatyndar – Fransıa, Germanıa, Ispanıa elderinen kelgender.
Atalǵan sanattaǵy adamdar úı jaǵdaıynda oqshaýlananady. Atalǵan sanattaǵy adamdarǵa 14 kúndik karantın ýaqytynda qonaqtardyń úıge kelýin boldyrmaý, týystarymen jáne dostarymen tikeleı baılanysty barynsha azaıtý usynylady. Biz halyqtyń jeke densaýlyǵy jaýapkershilikterin kúsheıtetine úmittenemiz.
Osy kezeń ishinde emhanalyq qyzmet kataraldy qubylystarǵa kún saıyn qońyraý shalýda. Belgiler baıqalsa turǵylyqty/tirkelgen mekenjaıy boıynsha aýrýhanaǵa habarlaý kerek, medısına qyzmetkerleri úıge kelip, tekseredi.
Barlyq kelýshi azamattar osy jaǵdaıǵa birdeı qarap, karantın merzimin ustaýy tıis, ony buzǵany úshin ákimshilik aıyppul salynady. Eger adamnyń úı jaǵdaıyndaǵy karantındi buzǵany belgili bolsa, aýmaqtyq emhana taýarlar men qyzmetterdiń sapasy men qaýipsizdigi komıtetine, al olar tıisti organdarǵa shaǵymdanady.
Jalpy Almaty qalasyna tizimge sáıkes 2-sanat boıynsha (Shveısarıa, Ulybrıtanıa, Nıderlandy) shetelderden kelgen adamdar medısınalyq qyzmetkerlerdiń baqylaýynda jáne kún saıyn AMSK qyzmetkerlerimen baılanysta bolady. Atalǵan aazamattar medısınalyq uıymdarda turaqty baqylaýda bolady. Tizimder anyqtalady, tabylmaǵan adamdar kóshi-qon qyzmetine jáne Almaty qalasynyń polısıa departamentine, sheteldik azamattar qosymsha UQK-ke jiberildi.
Eske salsaq, Almatyda koronavırýs tirkelgen joq. Qalada koronavırýs ınfeksıasynyń taralýynyń aldyn alý boıynsha Óńirlik shtab jumys isteıdi. Sanıtarly-karantındi baqylaýdyń kúsheıtilgen sharalary júzege asyrylýda. Qaladaǵy jaǵdaı baqylaýda.
Barlyq medısınalyq uıymdar tolyq kólemde dárilik zattarmen jáne medısınalyq qajetti buıymdarmen jabdyqtalǵan, úshin qala boıynsha 3 myńnan astam jeke qorǵanys quraldary medısına qyzmetkerlerin aýrý juqtyrýdan qorǵaıdy. Sonymen qatar, barlyq medısınalyq uıymdar dezınfeksıalaý quraldarymen jáne teri antıseptıkterimen qamtamasyz etilgen.
Koronavırýstyń álemde keńinen taralyp jatqanyn eskere otyryp, qalanyń sanıtarlyq-epıdemıologıalyq qyzmetteri nusqaýlyqtardy oryndaýda, al bul koronavırýstyń enýine qarsy pármendi sharalardyń biri.
Jańa koronavırýs ınfeksıasynyń taralýyn boldyrmaý maqsatynda tómendegideı profılaktıkalyq sharalardy ustaný qajet:
- qoldy, betti sabynmen jıi, muqıat jýý;
- qolǵa arnalǵan quramynda spırti bar antıseptıkalyq quraldardy qoldaný;
- adamdar kóp jınalatyn jerlerden aýlaq bolý;
- naýqas adamdarmen baılanys jasamaý;
- sýaq tıý belgileri (dene qyzýynyń kóterilýi, murynnyń bitýi, jótel, tamaqtyń aýrýy) baıqalǵan kezde, turaqty mekenjaıy boıynsha dárigerge kóriný qajet.
Anyqtama úshin táýlik boıy 1406 nómirindegi call-ortalyq jumys isteıdi.
