Áleýmettik jelide Qytaidyń Changan kólikterine qatysty syn kóbeidi, dep habarlaidy Dalanews.kz.
Jeli qoldanýshylarynyń biri TikTok-ta osyndai video jariialady. Video avtorynyń aitýynsha, Changan CS55 kóliginiń qozǵaltqyshy otalmai qalǵan.
"Birinshi, ekinshi tsilindrde kompressiia bar, tórtinishsinde kompressiia joq", - deidi videodaǵy er adam.
"Názik kólikter eken ózderi", "Taǵy biraz shydańdar, talai kontsert kóremiz", "Ol benzinnen emes, kóliktiń ózi arzan, zaýyt oǵan arzan "svecha" salyp tur", "Bes jylda qoqysqa ainalady", - degen jeli qoldanýshylary videoǵa.
Osylaisha Qytai kólikteriniń Qazaqstandaǵy daýy endi órshi bastaǵandai. Tutynýshylar quqyǵyn qorǵaý komitetiniń dereginshe, 2024 jyly elimizde kólikke qatysty tirkelgen 144 shaǵymnyń 57-si, iaǵni árbir onynshysy dál osy Qytai kólikterine bailanysty bolǵan.
Bul - naryqqa jańa serpinmen kirip, qoljetimdi baǵasymen tutynýshyny ózine tartyp júrgen Qytai kólikteriniń "imidjine" aitarlyqtai syzat túskeniniń belgisi.
Tutynýshylar negizinen qozǵaltqyshtyń aqaýy men berilis qorabynyń (korobkiniń) jii isten shyǵatynyn aityp, shaǵymdanǵan.
Buǵan qosa, elektronika, salqyndatý júiesiniń olqylyqtary, tipti óndirýshiler málimdegen sipattamalardyń shynaiy kórsetkishterge sai bolmaýy da satyp alýshylardyń kóńilin sýytqan. Keibir klientter kólikti satýshyǵa qaitaryp berýge deiin barǵan.
Memlekettik organdar aralasqannan keiin ǵana avtosalondar kólikti jóndep berýge nemese aqaýly bólshekterdi tegin aýystyrýǵa kelisipti.
Máselen, Aqmola oblysynda tutynýshylar kóliktiń qozǵaltqyshyn aýystyrýdy talap etip, shaǵym kólemi 10 million teńgege jýyqtaǵan. Al Aqtóbe oblysynda sot sheshimimen avtosalondar tutynýshylarǵa moraldyq shyǵyndy qosa alǵanda, 16 million teńgeden astam qarjy tólegen. Atyraý oblysynda tutynýshyǵa 7 million teńgeden astam qarajat qaitarylǵan.
"Qozǵaltqysh pen berilis qoraby sekildi eń mańyzdy bólshekterde jii kezdesetin aqaý qytaidyń arzan kóligin qymbat "bas aýrýǵa" ainaldyrýy ábden múmkin. Eger táýekelge bel býsańyz, aldyn ala kepildiktiń sharttaryn, dilerlerdiń qyzmet sapasyn muqiiat tekserip alǵan jón. Al senimdilik pen qaýipsizdikti birinshi orynǵa qoiatyn adamǵa ázirshe basqa brendterge nazar aýdarý durysyraq bolatyn siiaqty", - deidi sarapshylar bul týrasynda.
Aita keteiik, Changan Automobile Group - kólik shyǵaratyn Qytai kompaniiasy. Ol eldegi eń iri 20 óndirýshiniń qataryna kiredi. Onyń shtab-páteri Chýntsin qalasynda ornalasqan. 2021 jyly satylǵan kólik sany boiynsha (2,301 mln.) kompaniia Qytaida 4-shi orynǵa ie boldy.
