Qazaqstannyń mádeniet jáne óner salasy aýyr qazaǵa dýshar boldy. Kórnekti pedagog, kameralyq vokal óneriniń bilgiri, Qurmanǵazy atyndaǵy Qazaq ulttyq konservatoriiasynyń ardager ustazy Naýat Temirhanova dúnieden ótti, dep habarlaidy dalanews.kz.
Qazaqstan Respýblikasynyń Mádeniet jáne aqparat ministrligi marqumnyń týǵan-týystary men jaqyndaryna, áriptesterine, shákirtterine jáne barsha ónersúier qaýymǵa qaiǵyra kóńil aitty.
Naýat Maqsutqyzy sanaly ǵumyryn ulttyq vokal ónerin damytýǵa, jas talanttardy tárbieleýge jáne mýzykalyq bilim berý isine arnaǵan. Ol Qurmanǵazy atyndaǵy Qazaq ulttyq konservatoriiasynda uzaq jyldar boiy eńbek etip, otandyq vokal mektebiniń qalyptasýy men damýyna eleýli úles qosty.
Ustazdyq jolynda talai ónerli jastyń qanatyn qataityp, kásibi sahnaǵa jol ashqan Naýat Temirhanova qazaq mýzyka mádenietinde ózindik orny bar tulǵa retinde este qalady.
Ministrlik kóńil aitý mátininde Naýat Maqsutqyzynyń jarqyn beinesi, ǵibratty ǵumyry men ulttyq mádenietke sińirgen eńbegi el esinde máńgi saqtalatynyn atap ótti.
Marqumnyń imany salamat, jany jánnatta bolsyn. Týǵan-týystary men jaqyndaryna qaiǵyryp kóńil aitamyz.
