10 jylǵa jýyq ýaqyt Shyǵys Qazaqstan oblysyn basqarǵan Danial Ahmetov Parijde júr, - dep habarlaidy Dalanews.kz.
Aita keteiik, qazirgi tańda Ahmetov "Qazaqstan Respýblikasy jeńil atletika federatsiiasy" RQU prezidenti. Ol Parijde elimizdiń jeńilatletterimen kózge tústi.
Eks-ákimniń sýreti Qazaqstan Respýblikasy jeńil atletika federatsiiasynyń áleýmettik jelidegi paraqshasynda bólisti.
"Federatsiia prezidenti Danial Kenjetaiuly sportshylar men jattyqtyrýshylarǵa qoldaý kórsetý maqsatynda jeńil atletika komandasymen kezdesý ótkizdi. Prezident komandanyń árbir múshesiniń mańyzdylyǵyn atap ótip, Federatsiia aldaǵy ýaqytta da daiyndyq pen óner kórsetý úshin qajetti jaǵdailardy qamtamasyz etý úshin qoldan kelgenniń bárin jasaýǵa daiyn ekenin atap ótti", - delingen jazbada.
Aita keteiik, Danial Ahmetov 2018 jyly Qazaqstan Respýblikasy jeńil atletika federatsiiasynyń prezidenti bolyp sailanǵan.
Al jaqynda eks-sheneýnik Danial Ahmetov milliardtaǵan qarjyny zańsyz shyǵardy degen kúdikke ilingeni belgili boldy.Májilis depýtaty Abzal Quspan Shyǵys Qazaqstan oblysynyń eks-ákimi Danial Ahmetovke qatysty materialdardy quqyq qorǵaý organdaryna jiberýge ýáde berdi. Burynǵy sheneýnik Taivan arqyly Eýropalyq qaita qurý jáne damý bankinen (EQDB) milliardtaǵan qarjyny shyǵarýǵa qatysy bar degen kúdikke ilindi.
"Shyǵys Qazaqstan oblysyndaǵy aǵaiyndardyń ótinishin jáne men suraǵan qosymsha qujattardy (Ahmetovke qatysty – Dalanews.kz) tiisti saraptamalarymen quqyq qorǵaý organdaryna jiberemin", - dep jazdy Quspan áleýmettik jelidegi paraqshasynda.
Ocy tusta ol buǵan deiin Qazaqstannyń ár óńirinen kelip túsken aryz-shaǵymdar boiynsha birqatar qylmystyq is qozǵaǵanyn atap ótti.
"Olardyń barlyǵyn birdei jazyp ne áleýmettik jelide bólisip otyrý múmkin emes. Biraq, bir nárse anyq. Bir kezderi jalǵandy jalpaǵynan basyp, Elbasynyń senimdi adamy atanǵandardyń jyry áli talai jylǵa azyq bolatyn túri bar. Sonyń biri, joq biregeii – Daniial Ahmetovke qatysty aryzdar legi toqtar emes.
Sol kóp shaǵym ishinen bireýine ǵana toqtalaiyn, DA ákim bop turǵan kezde Óskemen jáne Semei qalasy kóshelerin jaryqtandyrýǵa dep EBRR (Evropa qaita qurý jáne damý banki) arqyly 3, 6 mlrd, oǵan qosymsha biýdjet tarapynan 1, 2 mlrd, barlyǵy 4, 8 mlrd bólingen eken. Bul jobany DA tarapynan jeke lobbi jasalǵanyna dálel retinde, onyń ákim bop turǵanda EBRR-dyń Londondaǵy ofisine kelissóz júrgizýge ózi barǵanyn aitady shaǵym ieleri", - deidi Abzal Quspan.
Aitýynsha, másele onda da emes, másele sol milliardtaǵan qarajatqa qoidyrǵan shamdardyń basym bóliginiń janyp ketkendiginde jáne kepil ýaqyty ishinde aýystyrylmaýynda. Nátijesinde, Óskemen men Semeide kóshe jaryǵy joq, alaida ol jaǵdai eki oblystyń biýdjetin EBRR aldyndaǵy qaryz mindettemelerinen bosatpaidy.
