10 جىلعا جۋىق ۋاقىت شىعىس قازاقستان وبلىسىن باسقارعان دانيال احمەتوۆ پاريجدە ءجۇر، - دەپ حابارلايدى Dalanews.kz.
ايتا كەتەيىك، قازىرگى تاڭدا احمەتوۆ "قازاقستان رەسپۋبليكاسى جەڭىل اتلەتيكا فەدەراسياسى" رقۇ پرەزيدەنتى. ول پاريجدە ەلىمىزدىڭ جەڭىلاتلەتتەرىمەن كوزگە ءتۇستى.
ەكس-اكىمنىڭ سۋرەتى قازاقستان رەسپۋبليكاسى جەڭىل اتلەتيكا فەدەراسياسىنىڭ الەۋمەتتىك جەلىدەگى پاراقشاسىندا ءبولىستى.
"فەدەراسيا پرەزيدەنتى دانيال كەنجەتاي ۇلى سپورتشىلار مەن جاتتىقتىرۋشىلارعا قولداۋ كورسەتۋ ماقساتىندا جەڭىل اتلەتيكا كومانداسىمەن كەزدەسۋ وتكىزدى. پرەزيدەنت كوماندانىڭ ءاربىر مۇشەسىنىڭ ماڭىزدىلىعىن اتاپ ءوتىپ، فەدەراسيا الداعى ۋاقىتتا دا دايىندىق پەن ونەر كورسەتۋ ءۇشىن قاجەتتى جاعدايلاردى قامتاماسىز ەتۋ ءۇشىن قولدان كەلگەننىڭ ءبارىن جاساۋعا دايىن ەكەنىن اتاپ ءوتتى"، - دەلىنگەن جازبادا.
ايتا كەتەيىك، دانيال احمەتوۆ 2018 جىلى قازاقستان رەسپۋبليكاسى جەڭىل اتلەتيكا فەدەراسياسىنىڭ پرەزيدەنتى بولىپ سايلانعان.
ال جاقىندا ەكس-شەنەۋنىك دانيال احمەتوۆ ميللياردتاعان قارجىنى زاڭسىز شىعاردى دەگەن كۇدىككە ىلىنگەنى بەلگىلى بولدى.ءماجىلىس دەپۋتاتى ابزال قۇسپان شىعىس قازاقستان وبلىسىنىڭ ەكس-اكىمى دانيال احمەتوۆكە قاتىستى ماتەريالداردى قۇقىق قورعاۋ ورگاندارىنا جىبەرۋگە ۋادە بەردى. بۇرىنعى شەنەۋنىك تايۆان ارقىلى ەۋروپالىق قايتا قۇرۋ جانە دامۋ بانكىنەن (ەقدب) ميللياردتاعان قارجىنى شىعارۋعا قاتىسى بار دەگەن كۇدىككە ءىلىندى.
"شىعىس قازاقستان وبلىسىنداعى اعايىنداردىڭ ءوتىنىشىن جانە مەن سۇراعان قوسىمشا قۇجاتتاردى (احمەتوۆكە قاتىستى – Dalanews.kz) ءتيىستى ساراپتامالارىمەن قۇقىق قورعاۋ ورگاندارىنا جىبەرەمىن"، - دەپ جازدى قۇسپان الەۋمەتتىك جەلىدەگى پاراقشاسىندا.
وcى تۇستا ول بۇعان دەيىن قازاقستاننىڭ ءار وڭىرىنەن كەلىپ تۇسكەن ارىز-شاعىمدار بويىنشا ءبىرقاتار قىلمىستىق ءىس قوزعاعانىن اتاپ ءوتتى.
"ولاردىڭ بارلىعىن بىردەي جازىپ نە الەۋمەتتىك جەلىدە ءبولىسىپ وتىرۋ مۇمكىن ەمەس. ءبىراق، ءبىر نارسە انىق. ءبىر كەزدەرى جالعاندى جالپاعىنان باسىپ، ەلباسىنىڭ سەنىمدى ادامى اتانعانداردىڭ جىرى ءالى تالاي جىلعا ازىق بولاتىن ءتۇرى بار. سونىڭ ءبىرى، جوق بىرەگەيى – دانيال احمەتوۆكە قاتىستى ارىزدار لەگى توقتار ەمەس.
سول كوپ شاعىم ىشىنەن بىرەۋىنە عانا توقتالايىن، دا اكىم بوپ تۇرعان كەزدە وسكەمەن جانە سەمەي قالاسى كوشەلەرىن جارىقتاندىرۋعا دەپ ەبرر (ەۆروپا قايتا قۇرۋ جانە دامۋ بانكى) ارقىلى 3، 6 ملرد، وعان قوسىمشا بيۋدجەت تاراپىنان 1، 2 ملرد، بارلىعى 4، 8 ملرد بولىنگەن ەكەن. بۇل جوبانى دا تاراپىنان جەكە لوببي جاسالعانىنا دالەل رەتىندە، ونىڭ اكىم بوپ تۇرعاندا ەبرر-دىڭ لوندونداعى وفيسىنە كەلىسسوز جۇرگىزۋگە ءوزى بارعانىن ايتادى شاعىم يەلەرى"، - دەيدى ابزال قۇسپان.
ايتۋىنشا، ماسەلە وندا دا ەمەس، ماسەلە سول ميللياردتاعان قاراجاتقا قويدىرعان شامداردىڭ باسىم بولىگىنىڭ جانىپ كەتكەندىگىندە جانە كەپىل ۋاقىتى ىشىندە اۋىستىرىلماۋىندا. ناتيجەسىندە، وسكەمەن مەن سەمەيدە كوشە جارىعى جوق، الايدا ول جاعداي ەكى وبلىستىڭ بيۋدجەتىن ەبرر الدىنداعى قارىز مىندەتتەمەلەرىنەن بوساتپايدى.
