Kerbulaq aýdanynda 10 qyz 3 ul tárbıelep otyrǵan altyn qursaqty "Batyr ana" Gúlnáz Jeńisbaıqyzy 14-shi sábıin dúnıege ákeldi. On bes jasynda turmys qurǵan Gúlnáz 27 jyl otbasylyq ómirinde 14 bala tárbıelep, 3 nemere súıip otyrǵan kópbalaly ana.
Ár otbasy – ózinshe bir memleket. 42 jasynda on qyz, tórt uldyń anasy atanǵan altyn qursaqty ana barsha qazaq áıelderine úlgi-ónege. Balalardyń arasynda egizder de, úshemder de joq. Jas aralyqtary jaqyn, úlken qyzy – 26 jasta, 22 qyzy Aıjan búgingi kúni sporttyń bir túri erejesiz jekpe-jekterge qatysyp júldeli oryndarǵa ıe bolyp júr, bes balasy mektep qabyrǵasynda bilim alyp jatsa, úsh balasy balabaqsha jasynda.
Balany 9 aı kóterip, tolǵatyp týý árıne, bul áıel adam úshin úlken erlik. Sol sıakty kóp balany dúnıege alyp kelýde qajymas qaısarlyqty, psıhologıalyq, fızıkalyq kúshtilikti qajet etedi. Jáne bala sanyn kóbeıtý ol ulttyq qundylyǵymyzdy arttyrý, memleketimizdiń demografıalyq turǵydan ósip — ónýine, halqymyzdyń sany artyp, jaǵdaıymyz jaqsarýyna septigin tıgizedi.
«Adam ómirindegi – eń úlken qýanyshy bala súıý», - dep Baýyrjan Momyshuly aıtqandaı balaly bolý baqyt, al kóp balaly bolý odan da úlken baqyt bolsa kerek. Bala úıimizdiń berekesi, kóz qýanyshymyz, júregimizdiń jubanyshy jáne ultymyzdyń baǵa jetpes qundy qazynasy desekte bolady.
"Bala ómirdiń máni men sáni. Odan bas tartý úlken kúná. Densaýlyǵym jetkenshe bala týýdan qashpaımyn, 15-shi balany josparlap otyrmyz. Qazaq «balany jastan» degendi beker aıtpaıtyn shyǵar. Úlken qyzym muǵalim «Aldyńǵy arba qaıda barsa, sońǵy arba sonda júredi» sondyqtan aldyńǵy ul-qyzdardy jaqsylap tárbıeleseń, sońǵylary solarǵa eliktep, erip ketedi dep oılaımyn", - dedi Gúlnáz Jeńisbaıqyzy.
Búgingi tańda Kerbulaq aýdanynda 481 «Altyn alqa», 557 «Kúmis alqa» ıegerleri, 1395 kópbalaly ana turady. Olardyń ishinde I toqsan boıynsha 229 otbasy ataýly áleýmettik kómek alady.
Raýshan BISEMBEKOVA,
Kerbulaq aýdany ákiminiń
baspasóz-hatshysy
