كەربۇلاق اۋدانىندا 10 قىز 3 ۇل تاربيەلەپ وتىرعان التىن قۇرساقتى "باتىر انا" گۇلناز جەڭىسباي قىزى 14ء-شى ءسابيىن دۇنيەگە اكەلدى. ون بەس جاسىندا تۇرمىس قۇرعان گۇلناز 27 جىل وتباسىلىق ومىرىندە 14 بالا تاربيەلەپ، 3 نەمەرە ءسۇيىپ وتىرعان كوپبالالى انا.
ءار وتباسى – وزىنشە ءبىر مەملەكەت. 42 جاسىندا ون قىز، ءتورت ۇلدىڭ اناسى اتانعان التىن قۇرساقتى انا بارشا قازاق ايەلدەرىنە ۇلگى-ونەگە. بالالاردىڭ اراسىندا ەگىزدەر دە، ۇشەمدەر دە جوق. جاس ارالىقتارى جاقىن، ۇلكەن قىزى – 26 جاستا، 22 قىزى ايجان بۇگىنگى كۇنى سپورتتىڭ ءبىر ءتۇرى ەرەجەسىز جەكپە-جەكتەرگە قاتىسىپ جۇلدەلى ورىندارعا يە بولىپ ءجۇر، بەس بالاسى مەكتەپ قابىرعاسىندا ءبىلىم الىپ جاتسا، ءۇش بالاسى بالاباقشا جاسىندا.
بالانى 9 اي كوتەرىپ، تولعاتىپ تۋۋ ارينە، بۇل ايەل ادام ءۇشىن ۇلكەن ەرلىك. سول سياكتى كوپ بالانى دۇنيەگە الىپ كەلۋدە قاجىماس قايسارلىقتى، پسيحولوگيالىق، فيزيكالىق كۇشتىلىكتى قاجەت ەتەدى. جانە بالا سانىن كوبەيتۋ ول ۇلتتىق قۇندىلىعىمىزدى ارتتىرۋ، مەملەكەتىمىزدىڭ دەموگرافيالىق تۇرعىدان ءوسىپ — ونۋىنە، حالقىمىزدىڭ سانى ارتىپ، جاعدايىمىز جاقسارۋىنا سەپتىگىن تيگىزەدى.
«ادام ومىرىندەگى – ەڭ ۇلكەن قۋانىشى بالا ءسۇيۋ»، - دەپ باۋىرجان مومىش ۇلى ايتقانداي بالالى بولۋ باقىت، ال كوپ بالالى بولۋ ودان دا ۇلكەن باقىت بولسا كەرەك. بالا ءۇيىمىزدىڭ بەرەكەسى، كوز قۋانىشىمىز، جۇرەگىمىزدىڭ جۇبانىشى جانە ۇلتىمىزدىڭ باعا جەتپەس قۇندى قازىناسى دەسەكتە بولادى.
"بالا ءومىردىڭ ءمانى مەن ءسانى. ودان باس تارتۋ ۇلكەن كۇنا. دەنساۋلىعىم جەتكەنشە بالا تۋۋدان قاشپايمىن، 15ء-شى بالانى جوسپارلاپ وتىرمىز. قازاق «بالانى جاستان» دەگەندى بەكەر ايتپايتىن شىعار. ۇلكەن قىزىم ءمۇعالىم «الدىڭعى اربا قايدا بارسا، سوڭعى اربا سوندا جۇرەدى» سوندىقتان الدىڭعى ۇل-قىزداردى جاقسىلاپ تاربيەلەسەڭ، سوڭعىلارى سولارعا ەلىكتەپ، ەرىپ كەتەدى دەپ ويلايمىن"، - دەدى گۇلناز جەڭىسباي قىزى.
بۇگىنگى تاڭدا كەربۇلاق اۋدانىندا 481 «التىن القا»، 557 «كۇمىس القا» يەگەرلەرى، 1395 كوپبالالى انا تۇرادى. ولاردىڭ ىشىندە I توقسان بويىنشا 229 وتباسى اتاۋلى الەۋمەتتىك كومەك الادى.
راۋشان بيسەمبەكوۆا،
كەربۇلاق اۋدانى اكىمىنىڭ
ءباسپاسوز-حاتشىسى
