Otyrysqa qatysqan Nur-Sultan qalasynyń Qoǵamdyq keńesi tóraǵasy, Nur-Sultan qalasy boiynsha respýblikalyq qoǵamdyq shtabtyń basshysy Zýlfýhar Gaipov, Nur-Sultan qalasynyń birlesken murajailar direktsiiasy qyzmetkerleri elimizdiń saiasi júiesin keshendi jańǵyrtý týraly ózara oi bólisti.
– Qazirgi bolyp jatqan kóptegen saiasi ózgeristerdiń barlyǵyn Prezidenttiń sailaýaldy baǵdarlamasynyń logikalyq jalǵasy dep qarastyrýǵa bolady. Qańtar oqiǵasy saiasi ózgeristerdiń qadamyn jiiletti. Búginde, El tirligin túzeý úshin el tiregi – Konstitýtsiiaǵa ózgertýler engizýdiń qajettiligi týyndap otyr. Ómirimizdi ózgertkimiz kelse, aldaǵy referendýmǵa bei-jai qaramaýmyz kerek, ár azamat óz tańdaýyn jasaýy qajet, ol úshin sanany ózgertip, saiasi mádenietimizdiń deńgeiin kóterýge tiispiz, sebebi ózgeris ózimizden bastalady, – dedi Zýlfýhar Gaipov.
Jiynǵa qatysýshylar óz oilaryn ortaǵa salyp, túitkildi problemalardy talqylady.
– Ár ulttyń, ár halyqtyń taǵdyrsheshti kezeńderi bolady. Sondai kezeńniń biri taiaý kúnderde halqymyzdyń aldynan óteiin dep tur. Ár azamat «Jańa Qazaqstandy» qurýǵa bailanysty altyn dińgegimiz – Ata Zańymyzǵa enetin ózgeristerdiń máni men maǵynasyn tereń túsinip, Prezident bastamalaryna qoldaý bildirýi kerek dep oilaimyn. Óitkeni Qazaqstannyń erteńgi jarqyn bolashaǵy úshin, halyqtyń áleýmettik jaǵdaiy men ál-aýqatynyń kóterilýi úshin, Ata Zańǵa órkenietti elderdiń tájribesi negizinde oń ózgerister engiziledi, – dedi Nur-Sultan qalasynyń birlesken murajailar direktsiiasy direktorynyń orynbasary Samat Tergembaev.
